قازاقستاننىڭ گەولوگيالىق بارلاۋ جۇمىستارىنا 50 ميلليارد تەڭگە جەكە ينۆەستيتسيا تارتىلۋى مۇمكىن

حالىقارالىق وزىق تاجىريبە نەگىزىندە قاتتى پايدالى قازبالارعا ارنالعان جەر قويناۋىن پايدالانۋ سالاسىنداعى قازاقستاننىڭ ينۆەستيتسيالىق تارتىمدىلىعىن قامتاماسىز ەتۋ ءۇشىن جەر قويناۋى تۋرالى جاڭا كودەكس قابىلداندى. وسى كودەكس قابىلدانعالى ليتسەنزيالاردى بەرۋدىڭ اۆستراليالىق ۇلگىسى ەنگىزىلىپ, 621 ليتسەنزيا بەرىلدى.

قازىرگى ۋاقىتتا قازاقستاننىڭ 1,2 ملن كۆ.كم. اۋماقتا گەولوگيالىق بارلاۋ جۇمىستارىن جۇرگىزۋگە مۇمكىندىگى بار. بۇل ءوز كەزەگىندە مۋلتيپليكاتيۆتىك اسەر ەتىپ, سەرۆيستىك كومپانيالاردىڭ دامۋىنا, بىلىكتى كادرلار مەن تەحنولوگيالاردىڭ كەلۋىنە جول اشادى. وسىعان بايلانىستى سالاعا 50 ملرد. تەڭگە كولەمىندە جەكە ينۆەستيتسيا تارتۋعا مۇمكىندىك تۋادى. 

2014 جىلدان باستاپ 2018 جىلعا دەيىن سالاعا 122 ملرد. تەڭگە كولەمىندە شەتەل ينۆەستيتسياسى سالىندى. بۇل قاراجاتتىڭ نەگىزگى بولىگىن رەسەيلىك ينۆەستورلار جولىمبەت, اقسۋ, بەستوبە, سۋزدالسكوە, سەنتاش, قارابۇلاق كەن ورىندارىنا, جەلتوقسان كەنىشىنە, كوكبورىگە التىن مەن التىن كەندەردى وندىرۋگە سالدى. سونداي-اق گەرمانيا, قىتاي, كانادا, ۇلىبريتانيا, بەلگيا, يزرايل, كورەيا, ليۆان, تۇركيا, شۆەيتساريا, سەربيا. نيدەرلاندى, بىرىككەن اراب امىرلىكتەرى, اۆستراليا, كيپر, ليۋكسەمبۋرگ, ومان جانە باسقا دا ەلدەردەن ينۆەستورلار تارتىلدى.