توتەنشە جاعداي رەجيمىن قامتاماسىز ەتۋ جونىندەگى جەدەل شتابتىڭ حابارلاۋىنشا, بۇگىن, 23 ساۋىردە اتىراۋ وبلىسىندا كوروناۆيرۋستان تاعى ەكى ادام جازىلىپ شىقتى.
اۋرۋدان ايىققانداردىڭ ءبىرى – وبلىستىق اۋرۋحانانىڭ 37 جاستاعى مەدبيكەسى, ەكىنشىسى – 18 جاستاعى جەرگىلىكتى تۇرعىن. ەكەۋىنە جاسالعان ەم-شارادان سوڭ, تەست ناتيجەسى Covid-19 جوق ەكەنىن كورسەتكەن. قازىر ەكەۋى دە ينفەكتسيالىق ستاتسيوناردان شىعارىلدى.
سونداي-اق 23 ءساۋىر, ساعات 13.00-دەگى مالىمەتكە سايكەس, ينفەكتسيالىق ستاتسيوناردا كوروناۆيرۋس جۇقتىرعان 51 ناۋقاس ەمدەلۋدە. ال, پروۆيزورلىق ستاتسيوناردا جرۆي بەلگىلەرى بار 16 ادام, كارانتيندىك ستاتسيوناردا 103 جەرگىلىكتى تۇرعىن بار. سونداي-اق 2843 ادام ءۇي كارانتينىندە جاتىر.