قوستاناي وبلىسىنىڭ باس سانيتارلىق دارىگەرى ۆلاديمير نەچيتايلو كارانتين تالاپتارىنا بىرقاتار وزگەرىستەر ەنگىزدى. ەندى وبلىس تۇرعىندارىنا تۇنگى ساعات 22.00-دەن باستاپ تاڭعى ساعات 06.00-گە دەيىن كوشەگە شىعۋعا بولمايدى. قالعان ۋاقىتتا جاقىن ماڭايداعى دارىحاناعا بارىپ ءدارى ساتىپ الۋعا, مەديتسينالىق كومەككە جۇگىنۋگە نەمەسە جۇمىسقا بارۋعا رۇقسات ەتىلدى.
بۇعان دەيىن كوشەگە بەتپەردەسىز شىعۋعا تىيىم سالىنعان ەدى. بۇگىننەن باستاپ تالاپ ءسال جەڭىلدەتىلگەن سىڭايلى. ەندى تۇرعىندارعا تەك كوپشىلىك ورتادا, قوعامدىق ورىندار مەن جۇمىستا6 جابىق عيمارات ىشىندە عانا ماسكا تاعىپ ءجۇرۋ مىندەتتەلدى.
ءۇي كارانتينىندە وتىرعان ازاماتتار «مەن ءۇي كارانتينىندەمىن» قىزمەتى قوسىلعان «SmartQOSTANAI» موبيلدىك قوسىمشاسىن ورناتۋى ءتيىس.
سونداي-اق, وبلىستا توتەنشە جاعداي رەجىمى اياسىندا جۇمىس ىستەۋگە قۇقىلى مەكەمەلەر ءتىزىمى كەڭەيتىلدى. بۇل تىزىمگە كوممۋنيكاتسيا جەلىلەرى مەن تەحنيكالىق قولداۋ قىزمەتىنىڭ ماماندارى, ءبىرىنشى كەزەكتە قاجەت ازىق-ت ۇلىك ەمەس زاتتار مەن قۇرىلىس ماتەريالدارىن, مەتالل بۇيىمدارىن ساتاتىن كوتەرمە ساۋدا ورىندارى ەنىپ وتىر. ورمان شارۋاشىلىعى ينسپەكتسياسى, ۆەتەرينارلىق باقىلاۋ ورگاندارى, جەكە سوت ورىنداۋشىلار پالاتاسى مەن ادىلەت دەپارتامەنتى دە جۇمىسىن توقتاتپايدى.
قوستاناي وبلىسى