كەشە تۇنگى 23.00 شاماسىندا جىتىقارا قالاسىندا 1974 جىلى تۋعان ايەلدەن ىندەت انىقتالدى. بۇگىن قوستاناي قالاسىندا 55 جاستاعى تاعى ءبىر ەر ادامنان ىندەت انىقتالعانى بەلگىلى بولىپ وتىر.
«قالالىق اۋرۋحانادا ەمدەلۋشىلەردى پروفيلاكتيكالىق تەكسەرۋ اياسىندا كوروناۆيرۋستىق ينفەكتسيانى جۇقتىرعان ءبىر ناۋقاس انىقتالدى. ەر كىسى پراكتولوگيا بولىمىندە ەمدەلىپ جاتقان. قازىرگى ۋاقىتتا ءتيىستى ەپيدەميالىق ءىس-شارالار جۇرگىزىلدى. ناۋقاسپەن بايلانىسقان بارلىق ادامدارعا كارانتيندىك شارا قولدانىلدى.
ەر ادام جەكە ۇيدە تۇرادى, جۇمىس ىستەمەيدى. ىندەت وشاعىنا زالالسىزداندىرىلدى. ناۋقاس رۋدنىي قالالىق اۋرۋحاناسىنىڭ ينفەكتسيالىق بولىمىنە اۋىستىرىلادى», - دەپ مالىمدەدى وڭىرلىك جەدەل اقپارات شاتابى.
جالپى 23 ساۋىردەگى جاعداي بويىنشا وبلىستا COVID-19 ىندەتىن جۇقتىرعاندار سانى 36-عا جەتىپ وتىر.
قوستاناي وبلىسى