«Facebook Inc. Jio Platforms Ltd ءۇندى تەلەكوممۋنيكاتسيالىق كومپانياسىنىڭ 9,9% ۇلەسىن 5,7 ملرد دوللارعا ساتىپ الدى» دەپ جازادى «ينتەرفاكس-قازاقستان».
كەلىسىم «ۇندىستانعا دەگەن ادالدىعىمىزدى, Jio باستاعان راديكالدى قايتا قۇرۋلارعا دەگەن قىزىعۋشىلىعىمىزدى كورسەتەدى» دەپ جازدى Facebook وكىلى دەۆيد فيشەر مەن Jio Platforms Ltd كومپانياسىنىڭ باسقارۋشى ديرەكتور ادجيت موحان الەۋمەتتىك جەلىدەگى بلوگىندا.
ولاردىڭ ايتۋىنشا, Jio-مەن ىنتىماقتاستىق - «دامىپ جاتقان تسيفرلىق ەكونوميكا جاعدايىندا ادامدار مەن كومپانيالار اراسىندا ينتەگراتسيانىڭ جاڭا مۇمكىندىكتەرىن پايدالانۋدى كوزدەيدى. اتاپ ايتقاندا, كومپانيالار ءۇندىستاندا 400 ميلليوننان استام پايدالانۋشىسى بار Facebook-قا تيەسىلى WhatsApp مەن Jio باستاعان JioMart ەلەكتروندىق كوممەرتسيا پلاتفورماسىن بىرىكتىرۋدى كوزدەيدى.
سونىمەن قاتار, Facebook ەلدە WhatsApp ارقىلى تولەم جاساۋ فۋنكتسياسىن ىسكە قوسۋعا دايىندالىپ جاتىر.