جىل ىشىندەگى ايلاردىڭ سۇلتانى اتانعان قاسيەتتى رامازان ايى قارساڭىندا اقتوبە وبلىستىق ءماسليحاتىنىڭ دەپۋتاتتارى مەن وبلىستىق ورتالىق «نۇر عاسىر» مەشىتىنىڭ جاماعاتى ساۋابى مول ءىس-شاراعا ۇيىتقى بولا ءبىلدى. ءسويتىپ ء«بىز بىرگەمىز!» قايىرىمدىلىق اكتسياسى اياسىندا 99 مۇگەدەك بالاعا قوماقتى قورجىندار تاراتىلدى. ازىق-ت ۇلىكتىڭ 22 ءتۇرى سالىنعان سىيلىقتىڭ جالپى سوماسى 2 000 000 تەڭگەنى قۇرايدى.
وسى ارقىلى وبلىستىق ءماسليحات دەپۋتاتتارى مۇگەدەك بالالاردى قورعاي ءبىلۋدى داستۇرگە اينالدىرىپ كەلەدى دەسە دە بولادى. ويتكەنى ولار بۇعان دەيىن دە بىرنەشە رەت قايىرىمدىلىق شاراسىن وتكىزۋگە باستاماشى بولعان-دى. ال بۇل جولى ولار كوڭىلدەرى ورتا جەتكىنشەكتەرگە كومەكتەسۋ ءۇشىن ارقايسىسى 200 مىڭ تەڭگەدەن قاراجات جيناپتى.
– اتا-بابالارىمىز رامازان ايىندا جوق-جىتىك, مۇقتاج جاندارعا كوبىرەك كوڭىل ءبولىپ, قولداۋ كورسەتۋدى ءجون ساناعان ەكەن. قاسيەتتى يسلام دىنىندە اللا تاعالانىڭ 99 ەسىمى بار ەكەنى ايتىلعان عوي. بۇل تەكتەن-تەك بولماسا كەرەك. سوندىقتان دا ءبىز سوعان سايكەس 99 مۇگەدەك بالاعا قايىرىمدىلىق جاساۋ جونىندە ورتاق شەشىمگە كەلدىك, – دەدى بۇل جونىندە اقتوبە وبلىستىق ءماسليحاتىنىڭ دەپۋتاتى عالىمجان ەلەۋوۆ.
سونداي-اق ونىڭ ارىپتەسى سەرگەي ۆيشنياكتىڭ تۇجىرىمداۋىنشا, مۇمكىندىگى بار ادام مۇقتاج جاندارعا شىن نيەتىمەن كومەك بەرسە, بۇدان ءوزى دە شەكسىز ءلاززات الىپ, كوڭىلى جايلانادى. مۇنداي كەزدە ولاردىڭ العىسى مەن ريزاشىلىعىن الۋدىڭ ءوزى ءبىر مەرەي. وسىنداي قايىرىمدىلىق شاراسىنىڭ ورتاسىندا بولعانىم ءۇشىن دە ءوزىمدى باقىتتى ءبىر ءساتتى باستان كەشكەندەي رياسىز ءبىر كۇي كەشتىم دەدى ول بۇدان ءارى.
ءماسليحات دەپۋتاتتارىنىڭ وسىناۋ جۇرەكجاردى لەبىزدەرى ولاردىڭ قورجىنعا قوسا جان شۋاعىن قوسا سىيلاعانىنىڭ بەلگىسى دەپ بىلەمىز.
اقتوبە