نۇر-سۇلتان قالاسىندا ماسالار, مۇك جانە باسقا دا جاندىكتەرگە قارسى كەڭ اۋقىمدى دەزينسەكتسيا جۇمىستارى ەكى اۋىسىمدا جۇرگىزىلىپ جاتىر. ماماندار بىرنەشە باعىتتى قامتىدى. ولار سۋ قويمالارى مەن جەرتولەلەردى وڭدەپ جاتىر. جۇمىسقا 150-دەن استام ادام قاتىسىپ, ونداعان تەحنيكا جۇمىلدىرىلدى.
«ماسا كوپ شىعاتىن جەرلەردى دەزينسەكتسيالاۋعا اسا كوڭىل ءبولىنىپ جاتىر. بۇل ماسالار مەن مۇك سانىن ازايتۋعا مۇمكىندىك بەرەدى. دەزينسەكتسيا جۇمىستارى كوشەلەر مەن ادام كوپ جينالاتىن ورىنداردا دا باستالدى. ءبىرىنشى كەزەڭ اياقتالعاننان كەيىن دەزينسەكتسيالىق جۇمىستار قالانىڭ ورامىشىلىك اۋماقتارىندا, ساياباقتاردا, تىنىمباقتاردا, كوشەلەردە جۇرگىزىلەدى», - دەپ اتاپ ءوتتى ماماندار.
ماسالارمەن كۇرەس ءتيىمدى بولۋى ءۇشىن تۇرعىن ۇيلەردىڭ جەرتولەلەرىن, مەكتەپ پەن بالاباقشا اۋماقتارىن, دەنساۋلىق ساقتاۋ, مادەنيەت جانە سپورت نىساندارىن, بازارلاردى, ساۋدا ۇيلەرىن جانە ت.ب. زارارسىزداندىرۋ ماڭىزدى. بيىل ماسالاردان اۋماقتى وڭدەۋ جوسپارى 20%-كە, سۋ قويمالارىن وڭدەۋ 25%-كە ارتتى.