قر دەنساۋلىق ساقتاۋ ءمينيسترىنىڭ بۇيرىعىمەن تيمۋر سلامجان ۇلى سۇلتانعازيەۆ قر دەنساۋلىق ساقتاۋ مينيسترلىگىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ توراعاسى لاۋازىمىنا تاعايىندالدى.
تيمۋر سۇلتانعازيەۆ 1982 جىلى الماتى وبلىسىندا دۇنيەگە كەلگەن. قازاق ۇلتتىق مەديتسينا ۋنيۆەرسيتەتىن, اقش-تا تيۋلەين ۋنيۆەرسيتەتىن تامامداعان.
ەڭبەك جولىن 2006 جىلى استانا قالاسىنداعى №1 قالىپتى اناتوميا كافەدراسىنىڭ لابورانتى بولىپ باستاعان.
2010 جىلى «رەسپۋبليكالىق جەدەل مەديتسينالىق جاردەم عىلىمي ورتالىعى» اق-دا جۇمىس ىستەگەن.
2010 جىلدان باستاپ 2013 جىلعا دەيىن «ۇلتتىق مەديتسينا حولدينگى» اق-دا يننوۆاتسيالار جانە تەحنولوگيالار ترانسفەرتى دەپارتامەنتىندە مەنەدجەر, باس مەنەدجەر جانە ديرەكتور بولىپ ەڭبەك ەتكەن.
2013 جىلدان 2014 جىلعا دەيىن «مەديتسينالىق تەحنولوگيالار مەن اقپاراتتىق جۇيەلەر ورتالىعى» اق پرەزيدەنتى بولدى.
2014 جىلدان 2016 جىلعا دەيىن «مەديكەر» جشس باس ديرەكتورىنىڭ ورىنباسارى بولىپ جۇمىس ىستەدى.
2016-2018 جج. قر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ قۇرىلىمىندا ءتۇرلى قىزمەتتەردى اتقاردى.
2018 جىلدان قازىرگە دەيىن سولتۇستىك قازاقستان وبلىسى اكىمدىگىنىڭ دەنساۋلىق ساقتاۋ باسقارماسىنىڭ باسشىسى قىزمەتىن اتقاردى.