وڭىرلىك جەدەل اقپارات شتابى 18 ساۋىردە ارقالىقتا COVID-19 ىندەتى انىقتالعان ايەلدىڭ قازىرگى جاعدايىنىڭ تۇراقتى ەكەنىن ءمالىم ەتتى. ناۋقاس - 48 جاستا. ول اقمولا وبلىسىنان كەلگەن سوڭ, سۋىق ءتيىپ اۋرۋحاناعا تۇسكەن اداممەن جاقىن قارىم-قاتىناستا بولعانى ءۇشىن ەكى اپتاعا وقشاۋلانىپ, كارانتين بولىمشەسىنە جاتقىزىلعان ەكەن. سOVID-19 دياگنوزى راستالعاننان كەيىن ينفەكتسيا بولىمىنە اۋىستىرىلىپتى.
ايەل كارانتينگە جاتقىزىلعانعا دەيىن كوپ ەشكىممەن جاقىن بايلانىستا بولماعان. قازىر ناۋقاس ىندەتكە قارسى كەشەندى ەمدەۋ شارالارىنان ءوتىپ جاتىر. جاعدايى تۇراقتى, شاعىمى جوق.
قازىر ارقالىقتىڭ كوشەلەرى, كوپ قاباتتى تۇرعىن ءۇي كىرەبەرىستەرى مەن قازپوشتا, بانكتەردىڭ حالىققا قىزمەت كورسەتۋ ورىندارى كۇندەلىكتى دەزينفەكتسيالانىپ تۇرادى.
قالادا 15 ادام كارانتيندىك بولىمشەدە جاتىر. ولاردىڭ بىرەۋى رەسەيدەن كەلگەن, 14-ءى ناۋقاسپەن بايلانىستا بولعاندار.
ارقالىق وڭىرلىك اۋرۋحاناسىنىڭ پروۆيزورلىق بولىمشەسىندە سۋىق تيگەن, تۇماۋراتىپ قالعان 6 ادام جاتىر. 64 ادام ءۇي كارانتينىندە. بارلىعىنان وقشاۋلاۋ ەرەجەلەرىن ساقتاۋ تۋرالى قولحات الىنعان. قازىر پوليتسيا قىزمەتكەرلەرىنىڭ باقىلاۋىندا.
قازىر قالا اۋماعىندا ءۇش توسقاۋىل بەكەتى قويىلعان. ونىڭ بىرەۋى سانيتارلىق بەكەت, ەكەۋى ءموبيلدى. بۇل بەكەتتەردە 137 پوليتسيا قىزمەتكەرى ەكى اۋىسىمدى رەجىمدە قىزمەت اتقارىپ جاتىر.
قالادا قوعامدىق كولىك پەن تاكسي مۇلدەم جۇرمەيدى. تەك 79 قىزمەتتىك كولىككە شەكتەۋ جوق. سونداي-اق كولىكپەن جۇرۋگە 186 كاسىپكەرگە جانە 318 رۇقسات ەتىلگەن. اۋىلشارۋاشىلىق تەحنيكالارىنىڭ قوزعالىسىنا دا شەكتەۋ قويىلماعان.
تۇرعىندار قالا تىنىسى تۋرالى جەرگىلىكتى تەلەديدار ەفيرى مەن الەۋمەتتىك جەلىلەر ارقىلى كۇندەلىكتى حابار الىپ وتىر.
وڭىرلىك جەدەل شتابتىڭ مالىمەتىنشە, قالا اۋماعىنداعى حالىققا ءبىرىنشى كەزەكتە قاجەت تاۋارلار باعاسى باقىلاۋدا. ازىق-ت ۇلىك تاپشىلىعى جوق. جاعداي تۇراقتى.
قوستاناي وبلىسى