پوليتسيا قىزمەتكەرلەرى الەۋمەتتىك جەلىدە تىكەلەي ەفير ارقىلى تۇرعىنداردىڭ كوكەيىندە جۇرگەن كوپ سۇراقتارعا جاۋاپ بەردى. قويىلعان ساۋالداردىڭ كوبى جەكە اۆتوكولىكپەن جۇرۋگە سالىنعان تىيىم ماسەلەسىنە, كارانتين رەجيمىنىڭ اياقتالۋ مەرزىمىنە, بلوك-بەكەتتەردەن ءوتۋ تارتىبىنە قاتىستى بولدى.
«جولداعى قابىلداۋ» دەپ اتالعان اكتسيا اياسىندا وتكەن تىكەلەي ەفير ەكى ساعاتقا سوزىلدى. تۇرعىنداردان 2 مىڭنان استام سۇراق ءتۇستى. ولاردىڭ ەڭ نەگىزگىسى–بلوك-بەكەتتەردەن ءوتۋدىڭ ءتارتىبى جايىندا بولدى. ءتارتىپ ساقشىلارىنىڭ ايتۋلارىنشا, كەدەرگىسىز جول جۇرۋگە رۇقسات الۋ ءۇشىن جىبەرىلگەن ءوتىنىش تەز قارالسىن دەسەڭىز, ءتيىستى قۇجاتتاردى دۇرىس تولتىرۋ كەرەك. ء وتىنىش 1 تاۋلىك ىشىندە قارالادى.
– وبلىس بويىنشا ءجۇرىپ-تۇرۋعا تەك ترانزيتتىك كولىكتەرگە عانا رۇقسات ەتىلگەن. ولار كۇندەلىكتى قاجەتتى تاۋارلاردى, ازىق-ت ۇلىك ونىمدەرىن, ءدارى-دارمەك, قۇرىلىس ماتەريالدارىن جەتكىزەتىندەر. ياعني, ءوڭىر اۋماعى بويىنشا جۇرۋگە وبلىس اكىمدىگى جەدەل شتابىنىڭ شەشىمىمەن كارانتين كەزىندە جۇرۋگە رۇقسات بەرىلگەن كولىكتەر عانا وتكىزىلەدى,–دەيدى وبلىستىق جەرگىلىكتى پوليتسيا قىزمەتى باسقارماسىنىڭ باستىعى سەرىك بايمۇقانوۆ.
ءتارتىپ ساقشىلارى توتەنشە جاعداي ءتارتىبىن بۇزعان تۇرعىندار ءوزىنىڭ عانا ەمەس, وزگەنىڭ دە دەنساۋلىعىنا قاۋىپ توندىرەتىندىگىن ەسكەرتتى.
اقمولا وبلىسى