بۇگىن قازاقستان رەسپۋبليكاسىنىڭ اۋىل شارۋاشىلىعى ءمينيسترى س.ق.وماروۆ اقمولا وبلىسىندا بولدى.
ساپار بارىسىندا مينيستر شورتاندى اۋدانىنداعى ديقانداردىڭ كوكتەمگى ەگىس ناۋقانىنا دايىندىق ماسەلەسىنە كوڭىل اۋداردى. ونىڭ ىشىندە اۋىل شارۋاشىلىعى تەحنيكالارىنىڭ ەگىس ناۋقانىنا دايىندىعى, فەرمەرلەردىڭ كارانتينگە بايلانىستى قويىلعان بلوك بەكەتتەردەن كەدەرگىسىز ءوتۋ ماسەلەسىنە نازار اۋدارىلدى.
كوكتەمگى دالا جۇمىستارى تاياۋ ۋاقىتتا باستالادى. قازىر سوڭعى ازىرلىك جۇمىستارى پىسىقتالۋدا. بيىلعى جىلى ىلعالدىڭ مول بولۋى ديقان قاۋىمدى ۇمىتتەندىرىپ وتىر.
اقمولا وبلىسى