ء«بىز بىرگەمىز!» وسىنداي اتاۋمەن جەرگىلىكتى ونەرپازدار كوكشەتاۋلىق تۇرعىندارعا اۋلادا كونتسەرت ۇيىمداستىردى.
30 مينۋتتىق شارادا ارتىستەر ءارتۇرلى تاقىرىپتاعى ادەمى اندەردى شىرقاپ, قىزىقتى ءساتتىڭ قاباعىن بالكوننان باققان تىڭدارمان قاۋىمدى ءتانتى ەتتى. ۇيدە بۇيىعىپ وتىرعان كوپ كوڭىلى ءبىر سەرپىلىپ قالدى.
سوڭعى ۋاقىتتا جەرلەستەرىنىڭ جان-دۇنيەسىن باۋراپ, رۋحاني ازىق سىيلاۋ ءۇشىن قالالىق مادەنيەت جانە تىلدەردى دامىتۋ ءبولىمىنىڭ قىزمەتكەرلەرى ءتۇرلى شارالار ۇيىمداستىرۋدا. كوبىنە قارت ادامدار تۇراتىن اۋلالار تاڭدالىپ الىنۋدا.
–بۇل وتە جاقسى باستاما. ۇيدە قامالىپ وتىرۋ قيىن. بارلىعىمىز بىرگە بۇل ىندەتى جەڭىپ شىعامىز دەگەن ويدامىز,–دەيدى قالالىق مادينەت جانە تىلدەردى دامىتۋ ءبولىمىنىڭ جەتەكشىسى ايگۇل ءسابيتوۆا.
ونەرپازداردىڭ ونەرلەرىنە رازى بولعان تۇرعىندار اق العىستارىن جاۋدىرۋدا. ولاردىڭ اراسىندا بىرگە قوسىلا ءان شىرقاعاندار دا, كونتسەرتتى ۆيدەوعا تۇسىرگەندەرى دە بار. ۇيىمداستىرۋشىلاردىڭ ايتۋىنشا, وسىنداي فورماتتاعى كونتسەرتتىك شاراعا دەگەن سۇرانىس كوبەيىپ كەلەدى. الداعى ۋاقىتتا ۇلى وتان سوعىسىنىڭ ارداگەرلەرى تۇراتىن ۇيلەردىڭ اۋلاسىندا دا ءدال وسىنداي باعدارلاما ۇيىمداستىرىلماقشى.