وڭىردە كارانتين كەزىندە كول جاعالاعان بالىقشىلاردىڭ قاراسى كوبەيىپ كەتتى. قولىنا قارماق ۇستاعاندار قوپا كولىنىڭ جاعالاۋىندا سىڭسىپ وتىر.
تاياۋدا وبلىستىق توتەنشە جاعدايلار جونىندەگى دەپارتامەنتىنىڭ قىزمەتكەرلەرى ارنايى رەيد ۇيىمداستىرىپ, ەسكەرتۋ جاسادى. ءيا, توتەنشە جاعداي كەزىندە زاڭ بۇزعان بالىقشىلارمەن تىلدەسۋگە مۇمكىندىك بولمادى. بارلىعى ات توندارىن الا قاشادى. وبلىستىق توتەنشە جاعدايلار قىزمەتىنىڭ وكىلدەرى اپتاسىنا ءۇش رەت رەيدكە شىعادى. سونداي-اق, وسى ۋاقىتقا دەيىن كول بەتىنە قايىقپەن شىققاندارعا دا ەسكەرتۋ جاسالعان.
–بالىقشىلار وزدەرى شىعىپ قانا قويماي,كىشكەنتاي بالالارىن دا ەرتە كەلگەن. كەيبىر بالىقشىلاردىڭ ماسكا, قولعاپتارى دا جوق. ءبىز ەسكەرتۋ جاسادىق. ولار ۇيلەرىنە قايتارىلدى. بۇل جولى ەسكەرتتىك. كەلەسى جولى بالىق اۋلاۋعا شىقسا, اكىمشىلىك جاۋاپكەرشىلىككە تارتىلادى,–دەيدى دەپارتامەنتتىڭ جەدەل قۇتقارۋ جاساعىنىڭ باس قۇتقارۋشىسى ناۋقان ىرىسپاەۆ.
توتەنشە جاعدايدىڭ جاريالانعانىنا دا ءبىر ايدان استى. وكىنىشكە وراي, ەلدە توتەنشە جاعداي مەن كارانتين ەرەجەلەرىن ساقتامايتىندار ءالى دە كوپتەپ كەزدەسەدى.
كوكشەتاۋ قالاسى.