وبلىستاعى تۇزەتۋ مەكەمەلەرىندە 2 مىڭنان استامادام وتىر. ولاردىڭ 21-ءى توتەنشە جاعداي كەزىندە بوساپ شىقتى. وڭىردە بارلىق جول قوزعالىسىتوقتاتىلعاندىقتان, وڭىرلىك پروباتسيا قىزمەتكەرلەرى ۇيلەرىنە دەيىن شىعارىپ سالۋدا.
ماسەلەن, گرانيتنىي كەنتىندەگى ەتس-166/25 جابىق مەكەمەسىنەن كارانتين ۋاقىتىندا 7 ادام بوساتىلعان.
–بۇگىندە ءبىزدىڭ جابىق مەكەمەدە 378 باس بوستاندىعىنان ايىرىلعان ادام بار. ولاردىڭ 7-ەۋى كارانتين ۋاقىتىندا بوساپ, ۇيلەرىنە دەيىن جەتكىزىلدى. تاياۋدا تاعى جيىرماسى بوساپ شىقپاق. ولاردى دا مەكەنجايى بويىنشا جەتكىزىپ سالۋ ۇيىمداستىرىلادى,–دەيدى ەتس-166/25 مەكەمەسى باستىعىنىڭ ورىنباسارى سۇلتان قۇسايىنوۆ.
جالپى, كارانتين ۋاقىتى باستالعالى كورشىلەس وبلىستارداعى تۇزەتۋ مەكەمەلەرىنەن بوساعان 20-دان استام ازامات وڭىردەگى بلوك-بەكەتتەر ارقىلى وتكىزىلىپ, ۇيلەرىنە جەتكىزىلگەن. تاعى دا 30-عا جۋىعىن پروباتسيا قىزمەتكەرلەرى وسى ايدىڭ اياعىنا دەيىن ءوڭىردىڭ شەكارالارىنداعى بەكەتتەردەن كۇتىپ الىپ, شىعارىپ سالماقشى.