نۇر-سۇلتاندا 1893 مەديتسينا قىزمەتكەرى ەڭبەكاقىلارىنا ۇستەماقى الدى. بۇل تۋرالى قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا حابارلادى. ونىڭ ايتۋىنشا, تولەمنىڭ جالپى سوماسى 646 ملن تەڭگەنى قۇرادى جانە ول مىندەتتى الەۋمەتتىك مەديتسينالىق ساقتاندىرۋ قورىنان ءبولىندى.
«ۇستەماقى جۇمىس ىستەگەن ۋاقىتىنا سايكەس ەسەپتەلەدى. ءبىز 10 ساۋىردە ناۋرىز ايىنىڭ جۇمىس ساعاتتارى بويىنشا تولەم جاسادىق. ءبىرىنشى توپتا – 400 مەديتسينا قىزمەتكەرى, ەكىنشى توپتا – 950 دارىگەر, ءۇشىنشى توپ بويىنشا – 543 ادام الدى», – دەپ ءتۇسىندىردى باسقارما باسشىسى.
ەسكە سالا كەتەيىك, قر پرەزيدەنتى جانىنداعى توتەنشە جاعدايدى قامتاماسىز ەتۋ جونىندەگى مەملەكەتتىك كوميسسيا مەملەكەت باسشىسىنىڭ تاپسىرماسىن ورىنداۋ اياسىندا ەپيدەمياعا قارسى شارالارعا قاتىسقان مەديتسينالىق قىزمەتكەرلەردىڭ جالاقىسىنا اي سايىن ۇستەماقى تاعايىنداۋ تۋرالى شەشىمدى بەكىتتى. مەملەكەت باسشىسىنىڭ تاپسىرماسىن ورىنداۋ شەڭبەرىندە نۇر-سۇلتان قالاسىندا ەپيدەمياعا قارسى شارالارعا قاتىسىپ جاتقان مەديتسينا قىزمەتكەرلەرىنە قارجى بولۋمەن اينالىساتىن ارنايى كوميسسيا قۇرىلدى.
«قاۋىپتىلىگى اسا جوعارى جۇمىستاعى قىزمەتكەرلەر ءۇشىن ۇستەماقى كولەمى 20 ەتجم (850 مىڭ تەڭگەگە دەيىن), قاۋىپتىلىگى جوعارى ساناتتاعىلارعا 10 ەتجم (425 مىڭ تەڭگە), ال قاۋىپتىلىگى ورتاشا ساناتتاعى مەديتسينا قىزمەتكەرلەرىنە 5 ەتجم (212 مىڭ تەڭگە) قۇرادى», – دەدى «Senim» دەنساۋلىق ساقتاۋ جۇيەسى قىزمەتكەرلەرىنىڭ سالالىق كəسىپوداعىنىڭ توراعاسى رۋسلان ساتىبالديەۆ.