ەلوردا تۇرعىندارىنىڭ ۇيلەرىنە جىلۋ بەرۋ 21 ساۋىردە توقتاتىلادى. بۇل تۋرالى ەلوردا اكىمدىگىنىڭ رەسمي سايتى حابارلادى.
«نۇر – سۇلتان قالاسىندا جىلىتۋ ماۋسىمى 2019 جىلدىڭ 30 قىركۇيەگىندە باستالىپ, 2020 جىلدىڭ 21 ساۋىرىنە دەيىن سوزىلىپ, 205 كۇندى قۇرادى. جىلىتۋ ماۋسىمىن اياقتاۋ ەرتەڭگە جوسپارلانعان», – دەدى نۇر-سۇلتان قالالىق وتىن-ەنەرگەتيكا كەشەنى جانە كوممۋنالدىق شارۋاشىلىق باسقارماسىنىڭ باسشىسى ەرنات بازيل بۇگىن بريفينگتە.
ونىڭ ايتۋىنشا, ەسەپتى كەزەڭدە ەنەرگيا كوزدەرىندە, جىلۋ جانە ەلەكتر جەلىلەرىندە اۆاريالىق اجىراتۋلار مەن ءبىرىنشى دارەجەلى ىستەن شىعۋلار تىركەلگەن جوق.
ەستەرىڭىزگە سالا كەتەيىك, نۇر-سۇلتان قالاسىندا جىلىتۋ ماۋسىمىنا دايىندىق جانە ونى وتكىزۋ ەرەجەلەرىنە سايكەس, اۋانىڭ ورتاشا تەمپەراتۋراسى بەس تاۋلىك بويى 10°C جانە ودان جوعارى بولسا, جىلىتۋ ماۋسىمىن اياقتاۋ تۋرالى شەشىم قابىلدانادى.
«استانا-ەنەرگيا» اق بويىنشا جىلىتۋ ماۋسىمى كەزەڭىندە 2 234 ملن كۆت ساعات ەلەكتر ەنەرگياسى جانە 6 122 مىڭ گكال جىلۋ ەنەرگياسى ءوندىرىلدى. قالانىڭ ەنەرگيا كوزدەرىندە 2 767 مىڭ توننا كومىر (37 437 ۆاگون), 5 226 مىڭ توننا مازۋت (87 تسيستەرنا) جۇمسالدى. جىلۋ بەرۋ ماۋسىمىن وتكىزۋ كەزەڭىندە جىلۋ ەنەرگياسىنىڭ ەڭ جوعارعى بوساتىلۋى 2020 جىلدىڭ 29 قاڭتارىندا تىركەلىپ, 2 168 گكال/ساعاتتى قۇرادى. ەلەكتر جۇكتەمەسىنىڭ ماكسيمۋمى 2019 جىلدىڭ 21 قاراشاسىندا تىركەلدى جانە 676 مۆت/ساعاتتى قۇرادى. جەو-2 كوزىندەگى شينالاردان بوساتۋ 303 مۆت/ساعاتتى قۇرادى, ايىرمانى وتەۋ ءۇشىن (373 مۆت/ساعات) سىرتقى كوزدەردەن ەلەكتر ەنەرياسى ساتىپ الىندى», – دەدى ە.بازيل.
سونىمەن قاتار ول «استانا-وەك» اق بويىنشا جىلۋ بەرۋ ماۋسىمىندا ەلەكتر ەنەرگياسىن جەلىلەر ارقىلى تاسىمالداۋ كولەمى – 2 163 ملن كۆت ساعاتتى قۇراعانىن اتاپ ءوتتى. بۇل وتكەن جىلمەن سالىستىرعاندا 1%-عا از ەكەنىن اتاپ ءوتتى. وتكەن جىلىتۋ ماۋسىمىندا «استانا-تەپلوترانزيت» اق 5 527 مىڭ گكال كولەمىندە جىلۋ ەنەرگياسىن بەرۋدى جانە تاراتۋدى قامتاماسىز ەتتى. بۇل وتكەن جىلمەن سالىستىرعاندا 2,6%-عا تومەن.