- مەملەكەت باسشىسى قاسىم-جومارت كەمەل ۇلى توقاەۆتىڭ تاپسىرماسىنا سايكەس دەزينفەكتسيا جۇمىستارى كۇشەيتىلدى. جۇمىس تاۋلىك بويى جۇرگىزىلىپ جاتىر. بارلىق اۋداندار قامتىلدى. ارنايى تەحنيكا جۇمىلدىرىلدى, ونىڭ ىشىندە قورعانىس مينيسترلىگىنىڭ, توتەنشە جاعدايلار دەپارتامەنتىنىڭ ماشينالارى دا بار. الەۋمەتتىك نىساندار, بازارلار, ساۋدا ويىن-ساۋىق ورتالىقتارى, تروتۋارلار, ءۇي ءىشى اۋماقتارى مەن كىرەبەرىستەر, جولدار دەزينفەكتسيالانىپ جاتىر. اۆتوكولىكتەر دە ينفەكتسيانى تاراتا الادى. دەمەك, جولداردى دا ارنايى ەرىتىندىمەن وڭدەۋ ماڭىزدى, - دەدى قالا اكىمىنىڭ ورىنباسارى التىنبەك قايساعاليەۆ.
دەزينفەكتسيا جۇمىستارى جەكە سەكتوردى دا قامتيدى. 2800-دەن استام تۇرعىن ءۇي كەشەنى ءۇشىنشى رەت وڭدەلىپ جاتىر. قالادا ءجۇرىپ جاتقان اباتتاندىرۋ جۇمىستارى - قورشاۋلاردى, مەتالل قۇرىلىمداردى, جولداردى جۋ - دەزينفەكتسيا جۇمىستارىنا كومەكتەسۋدە.
ەلوردا اكىمى التاي كولگىنوۆتىڭ تاپسىرماسىنا سايكەس كارانتين كەزىندە جۇمىس اتقارىپ جاتقان كوممۋنالدىق قىزمەتكەرلەر سىياقى الادى. 1 قاڭتاردان باستاپ قىزمەتكەرلەردىڭ ايلىعى ءوستى, سىياقى بەرىلدى.