الماتى وبلىسىندا كوروناۆيرۋستان ەمدەلىپ, اۋرۋحانادان شىققان ناۋقاستار قاتارى تاعى ءبىر اداممەن تولىقتى. وسىمەن جالپى وبلىس بويىنشا ىندەتتەن توعىزىنشى تۇرعىن ايىقتى.
بۇگىن قاسكەلەڭ قالاسىنداعى جۇقپالى اۋرۋلار اۋرۋحاناسىنان ەگدە جاستاعى ناۋقاس بوساتىلدى. 1950 جىلى تۋعان زەينەتكەر قاراساي اۋدانىنىڭ المالىباق اۋلىنىڭ تۇرعىنى ەكەن. ول 4 ءساۋىر كۇنى اۋىر جاعدايدا اۋرۋحاناعا جەتكىزىلگەن بولاتىن. دارىگەرلەردىڭ ءجىتى قاداعالاۋىمەن ەمدەلگەن جەتپىس جاستاعى قارت ىندەتتى جەڭىپ شىقتى. ناۋقاستان ەكى قايتارا الىنعان اناليز قورتىندىسى تەرىس ناتيجە كورسەتكەن. دەگەنمەن, زەينەتكەر الداعى 14 كۇن بويىنا ءۇي كارانتينىندە بولادى.