وسىدان جارتى اي بۇرىن 1958 جىلى تۋعان پەتروپاۆلدىق كاسىپكەر تاۋار ساتىپ الۋعا دايىنداپ قويعان 6,5 ملن تەڭگەسىن بەلگىسىز بىرەۋلەردىڭ ۇپتەپ كەتكەنىن ايتىپ, پوليتسيا دەپارتامەنتىنە شاعىنعان ەدى. ۇرىلاردىڭ الىستان كەلمەگەنى ءۇيدى ءوز كىلتتەرىمەن اشقاندىعىنان, سەيفتى ناق اقشا تولعان كۇنى توناعاندىعىنان جانە ءۇي يەلەرىنىڭ پاتەرلەرىندە بولمايتىنىن بىلگەندىگىنەن سەزىلىپ تۇرعان. بىراق جىرىندى ۇرىلار ەشقانداي ايعاق قالدىرماعان.
الايدا وبلىستىق جانە قالالىق كريمينالدىق پوليتسيا باسقارماسىندا كاسىبي ىزشىلدەر بار ەكەندىگىن كورسەتتى. ولار كاسىپكەردىڭ بارلىق تانىستارىن, ارالاساتىن ادامدارىن قاعىپ كەلىپ, ەكى ادامعا كۇدىكتەنەدى. ولاردىڭ ءبىرى 1969 جىلى پەتروپاۆل قالاسىنىڭ جانە ەكىنشىسى 1978 جىلى تۋعان قىزىلجار اۋدانىنىڭ تۋمالارى ەدى. ەكەۋى دە بۇرىن بۇزاقىلىق, ۇرلىق قىلعاندارى ءۇشىن سوتتالعان. اقىرى كۇمان شىندىققا اينالىپ, ەكەۋىنىڭ ۇيلەرىن تىنتكەندە ايعاق زاتتار تابىلعان. ۇرلانعان اقشانىڭ دا ءبىراز بولىگى شىققان.
«قازىر قىلمىستىڭ بارلىق ءمان-جايىن انىقتاۋعا باعىتتالعان سوتقا دەيىنگى تەرگەۋ جۇرگىزىلۋدە جانە قىلمىستىق ءىس بويىنشا قوسىمشا ايعاقتار جينالىپ جاتىر», - دەيدى سقو پد باستىعىنىڭ ورىنباسارى, پوليتسيا پولكوۆنيگى رۋسلان نازاروۆ. «ايتا كەتۋ كەرەك, پاتەر ۇرلىعىنىڭ الدىن الۋ ءۇشىن تۇرعىندارعا كۇزەت اگەنتتىكتەرىمەن كەلىسىم جاساپ, دابىلدار ورناتىپ, كىرەبەرىستەردى بەينە باقىلاۋ كامەرالارىمەن جابدىقتاۋ ۇسىنىلادى. سونىمەن قاتار, ەڭ سەنىمدى دەگەن قۇرىلعىلارعا باسىمدىلىق جاساي وتىرىپ, پاتەرلەردىڭ ق ۇلىپتارىن مۇقيات تاڭداۋ كەرەك».
جىل باسىنان بەرى سقو-دا بارلىعى 240 پاتەر ۇرلىعى تىركەلدى. ونىڭ ىشىندە بۇگىنگە دەيىن 204-ءى اشىلعان. شاعىن قالادا ۇرلىق تا كوپ, اشىلۋى دا از ەمەس.
پەتروپاۆل