«حابار» اگەنتتىگى ديماش قۇدايبەرگەننىڭ بۇكىلالەمدىك كوروناۆيرۋسقا قارسى كۇرەسكە ارنالعان «We are one» («مى – ەدينى!») بەينەبايانىنىڭ قازاقستاندىق نۇسقاسىن ازىرلەدى. بەينەباياندا پاندەميا ورىن العان ەلدەردىڭ كادرلارى, قاتەرلى ۆيرۋسقا قارسى مايداندا كۇندەلىكتى ارپالىسىپ جۇرگەن دارىگەرلەردىڭ ەڭبەگى كورسەتىلگەن.
«قازىر كۇللى الەم كوروناۆيرۋسقا قارسى جاھاندىق كۇرەستە كۇش بىرىكتىردى. بىراق پاندەميانىڭ پارمەنى قاتتى. ەشبىر ەلدى اياپ جاتقان جوق. ىندەتپەن كۇرەستە الدىڭعى شەپتە مەديتسينا ماماندارى جانكەشتى ەڭبەك ەتۋدە. وسىناۋ قىسىلتاياڭ كەزدە ولارعا قولداۋ كورسەتۋ - بارشامىزدىڭ ورتاق ماقساتىمىز. ءبىز قۇدىرەتتى مۋزىكا ارقىلى دارىگەرلەر مەن پوليتسيا قىزمەتكەرلەرىنىڭ, اسكەريلەر مەن ەرىكتىلەردىڭ ەرىك-جىگەرىنە, قاجىر-قايراتىنا قۇرمەت تانىتا الامىز», - دەلىنگەن حابارلامادا.
تۋىندى اۆتورلارى - قىتايلىق شىعارماشىلىق توپ. جاڭا ءان ديماشتىڭ تورتكۇل دۇنيەدەگى تىڭدارماندارىنا تاماشا تارتۋ بولعانى ءسوزسىز.