وبلىس ورتالىعى دەزينفەكتسيا جاسايتىن كولىككە ءزارۋ ەدى. بۇعان دەيىن دە جوقتان بار قۇراپ, تالپىنعان-تۇعىن. جاڭا كولىكتەر كەلگەن سوڭ جۇمىس اۋقىمى كەڭەيىپ, تازالىق ءبىرشاما جاقسارىپ قالاتىن ءتارىزدى.
«سارىارقا اۆتوپروم» جاۋاپكەرشىلىگى شەكتەۋلى سەرىكتەستىگى بۇگىنگى كۇنگە اسا قاجەتتى دەزينفەكتسيا جاسايتىن اۆتوكولىكتەردى جابدىقتاۋدا. وسىنداي تەحنيكانىڭ بىرنەشەۋى كوكشەتاۋ قالاسىنا جەتكىزىلدى. تەحنيكانىڭ قالاي جۇمىس ىستەيتىندىگىن, ياعني, سيپاتتاماسىمەن تانىسۋ بارىسىنا وبلىس اكىمى ەرمەك مارجىقپاەۆ تا قاتىستى.
وسىنداي قۇرىلعىمەن جابدىقتالعان 10 اۆتوكولىككە تاپسىرىس بەرىلگەن ەكەن. سەرىكتەستىك از عانا ۋاقىتتىڭ ىشىندە Chevrolet Damas, Labo كولىكتەرىنىڭ نەگىزىندە ديزەنفەكتسيالىق ماشينالار جاساپ شىعارىپ وتىر. قازىردىڭ وزىندە وسىنداي اۆتوكولىكتەر ەلىمىزدىڭ ءار قيىرىنا جونەلتىلۋدە. ءسوز اراسىندا مۇنداي كولىكتەرگە 500 ليتر دەزينفەكتسيالىق سۇيىقتىق سياتىن بوشكە ورناتىلعاندىعىن ايتا كەتەيىك. ءبىر وتكەندە مينۋتىنا 40 ليتر سۇيىقتىق شاشا الاتىن بۇل كولىك ءتورت مەتر جەردى قامتيدى.
كوپكورىم كومەك ەمەس پە؟!
كوكشەتاۋ قالاسى