اتىراۋ قالاسىندا 17 ساۋىردە كارانتين مەن شەكتەۋ تالابى كۇشەيتىلدى. سوعان بايلانىستى تاكسيستەر قىزمەتىنە دە تىيىم سالىنعان ەدى. الايدا, اقشاعا قۇنىعىپ, جولاۋشى تاسىمالداعان تاكسيستەر ءالى كەزدەسۋدە.
– پوليتسيا قىزمەتكەرلەرى تەك ءبىر تاۋلىكتە (18 ءساۋىر) اتىراۋ قالاسىندا 55 قۇقىق بۇزۋشىنى (نەگىزىنەن اۆتوكولىك) ۇستادى. ال, 19 ساۋىرگە قاراعان ءتۇنى ساعات 21:00-دەن كەيىن جولاۋشىلار تاسىمالداعان 24 جۇرگىزۋشى انىقتالدى. ونىڭ ىشىندە, پوليتسەيلەر ءتۇن ورتاسىندا «inDriver» قوسىمشاسى ارقىلى جەكە تاسىمالداۋمەن اينالىسقان ءۇش جۇرگىزۋشىنى توقتاتتى. ۇشەۋى دە ساعات 20:00-گە دەيىن جۇزەگە اسىرىلاتىن ازىق-ت ۇلىك جەتكىزۋ ءتارتىبىن بۇزىپ, جولاۋشىلار تاسىمالداعان. ولارعا قاتىستى قر اكىمشىلىك قۇقىقبۇزۋشىلىق تۋرالى كودەكستىڭ 476-بابىمەن (توتەنشە جاعداي رەجيمىن بۇزۋ) اكىمشىلىك حاتتامالار تولتىرىلىپ, سوتقا جولداندى.
سونداي-اق قر اكىمشىلىك قۇقىقبۇزۋشىلىق تۋرالى كودەكستىڭ 608-بابىن بۇزعان 3 جۇرگىزۋشىگە دە حاتتاما تولتىرىلدى. ولار اۆتوكولىكتى ماس كۇيدە باسقارعان, - دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
كارانتيننىڭ كۇشەيتىلگەن تالابىن بۇزعان تاكسيستەر اقشاعا قۇنىعىپ, اقىنى ورەسكەل قىمباتتاتىپ جىبەرگەن. تاكسيستەر تاپسىرىس بەرۋشىلەرگە ءبىر مەكەن-جايعا جەتۋ ءۇشىن 3000-نان 5000 تەڭگە ارالىعىندا اقى تولەۋدى ۇسىنعان.
جۇماسات عازيز