ەلباسى نۇرسۇلتان نازارباەۆتىڭ باستاماسىمەن قۇرىلعان «Birgemiz» قوعامدىق قورى قامقورشىلىق كەڭەسىنىڭ وتىرىسىندا توتەنشە جاعداي كەزىندە تۇرعىنداردىڭ الەۋمەتتىك جاعىنان ءالسىز توپتارىنا ودان ءارى كومەك كورسەتۋ تەتىكتەرى تالقىلاندى. جيىنعا وبلىس اكىمدەرىنىڭ ورىنباسارلارى, پارتيا فيليالى توراعالارىنىڭ ءبىرىنشى ورىنباسارلارى جانە «Birgemiz» ايماقتىق قورلارىنىڭ باسشىلارى ونلاين-رەجىمىندە قاتىستى.
قوردىڭ قامقورشىلىق كەڭەسىنىڭ توراعاسى باۋىرجان بايبەك تۇڭعىش پرەزيدەنت نۇرسۇلتان نازارباەۆتىڭ تاپسىرماسىمەن, مەملەكەت باسشىسى قاسىم-جومارت توقاەۆ قولعا العان اۋقىمدى قولداۋ شارالارىنا قوسىمشا بۇگىنگە دەيىن 152 مىڭنان استام وتباسىعا 50 مىڭ تەڭگەدەن بىرجولعى كومەك كورسەتىلگەنىن اتاپ ءوتتى.
«پارتيا توراعاسى وسى باعىتتاعى جۇمىستى ءارى قاراي جالعاستىرىپ, قولداۋ شارالارىنىڭ ەكىنشى كەزەڭىن مامىر ايىنىڭ باسىندا وتكىزۋدى تاپسىردى. 23 قالادا 50 000 تەڭگە كولەمىندەگى بىرجولعى تولەم بۇرىن كومەك الماعان 210 مىڭ مۇقتاج وتباسىنا قولداۋ رەتىندە بەرىلەدى. وتباسىلىق كوەففيتسيەنتتى ەسكەرسەك, وسى جولى بەرىلەتىن كومەك 1 ميلليونعا جۋىق ادامدى قامتىماق. ءبىز مۇنى جۇزەگە اسىرۋ الگوريتمىن جاساپ قويدىق. وڭىرلەردە قاجەتتى ينفراقۇرىلىم – جەدەل شتاب جانە ايماقتىق قورلار قۇرىلدى. جاۋاپتى باسشىلار مەن اتقارۋشى مەنەدجەرلەر بەكىتىلدى. ەكىنشى دەڭگەيدەگى بانكتەرمەن ءوزارا ءىس-قيمىل جولعا قويىلدى. قازىرگى تاڭدا كاسىپكەرلەر قوردىڭ اشىق تا ايقىن قىزمەتىنە كوز جەتكىزىپ, قورعا قايىرىمدىلىق كومەك اۋدارۋعا نيەتتىلەردىڭ قاتارى ارتىپ كەلەدى», دەدى باۋىرجان بايبەك.
سونىمەن قاتار Nur Otan پارتياسى توراعاسىنىڭ ءبىرىنشى ورىنباسارى جيىنعا قاتىسۋشىلارعا ءبىرىنشى كەزەڭ بارىسىندا انىقتالعان كەمشىلىكتەرگە, ونىڭ ىشىندە بىرقاتار وڭىرلەردە مۇقتاج ادامداردىڭ تىزىمدەرىن جاساۋدا كەتكەن ولقىلىقتارعا وسى جولى باسا ءمان بەرۋدى تاپسىردى.
«تىزىمگە شىنىندا كومەككە مۇقتاج, ماتەريالدىق جاعدايى تومەن ازاماتتار عانا ەنۋى كەرەك. قوردىڭ رەسۋرستارى شەكتەۋلى. سونداي-اق ءبىز ازاماتتار «Birgemiz» قورىنان 50 مىڭ تەڭگە اۋدارىلعانى تۋرالى SMS-حابارلاما الىپ, بىراق ءىس جۇزىندە كارتالارىنا اقشا تۇسپەگەن جاعدايدى دا انىقتادىق. تەمىرتاۋدا وسىنداي 11, قىزىلوردادا – 10, قوستانايدا – 9, كوكشەتاۋدا – 7, سەمەيدە 2 جاعداي ورىن العان. پارتيانىڭ ايماقتىق فيليالدارىنىڭ جەتەكشىلەرى ازاماتتارعا قارجىنىڭ تۇسۋىنە مونيتورينگ جۇرگىزىپ, تۋىنداعان ماسەلەلەردى تەز ارادا شەشۋى قاجەت. جالپى, كومەك الۋشىلاردىڭ ءتىزىمىن اكىمدىكتەر جاسايتىنىن تاعى دا ءبىر رەت باسا ايتىپ وتكىم كەلەدى. بۇل – سىزدەردىڭ جاۋاپكەرشىلىكتەرىڭىزدەگى جۇمىس. ەگەر ازاماتتار سىزدەرگە ءوتىنىش جاساسا, باستارىڭىزدى الىپ قاشپاي, ولاردىڭ ماسەلەلەرىن جەرگىلىكتى جەردە شەشىڭىزدەر. وسىنداي فاكتىلەر انىقتالعان جاعدايدا, پارتيالىق باقىلاۋ كوميتەتى تەكسەرىپ, پارتيانىڭ مۇنداي مۇشەلەرىنە قولدانىلاتىن ءتيىستى شارالار جونىندە ۇسىنىستار ازىرلەۋى كەرەك. جاۋاپكەرشىلىك الىپ, قاراپايىم ادامداردىڭ ماسەلەلەرىنە «قۇلاق اسۋعا» جانە شەشۋگە دايىن ەمەس شەنەۋنىكتەرگە قاتىستى مەملەكەت باسشىسىنىڭ ءتيىستى نۇسقاۋى بار», دەدى باۋىرجان بايبەك.
ايتا كەتەيىك, «Birgemiz» قورىنىڭ اياسىندا كەشە Jas Otan ۆولونتەرلەردى نۇر-سۇلتان, الماتى جانە شىمكەنت قالالارىنداعى 100 مىڭنان استام الەۋمەتتىك وسال وتباسىعا 5 ميلليون قورعانىش ماسكالارىن تەگىن جەتكىزۋدى باستادى. قازىردىڭ وزىندە بۇكىل ەل بويىنشا 60 مىڭنان استام مۇقتاج وتباسى ازىق-ت ۇلىك سەبەتتەرى مەن ءبىرىنشى كەزەكتە قاجەتتى تاۋارلارمەن قامتاماسىز ەتىلدى. ىندەتكە قارسى ءىس-شارالارعا جۇمىلدىرىلعان 2 مىڭنان استام مەديتسينا قىزمەتكەرى قوردان 50 مىڭ تەڭگەدەن الدى.