بۇگىن عانا سوڭعى رەت جامبىل وبلىسىندا كوروناۆيرۋس ينفەكتسياسىن جۇقتىرۋدىڭ 2 جاڭا دەرەگى تىركەلىپ, بۇل ىندەتتى جۇقتىرعاندار سانى 60-قا جەتكەن بولاتىن. ەندى تاعى دا كوروناۆيرۋس ىندەتىنىڭ 1 جاڭا جاعدايى انىقتالىپ وتىر.
ىندەت جۇقتىرعان ناۋقاس تاراز قالاسىنان انىقتالىپ وتىر. 1991 جىلى تۋعان ازامات جەدەل رەسپيراتورلىق ۆيرۋستىق ينفەكتسيا دياگنوزىمەن پروۆيزورلىق ورتالىققا جەتكىزىلگەن. كوروناۆيرۋسقا الىنعان قان تالداۋلارى وڭ ناتيجە كورسەتكەن. ناۋقاس قازىردە جۇقپالى اۋرۋلار ستاتسيونارىنا ورنالاستىرىلعان. ونىمەن بايلانىستا بولعان ادامداردى جانە ولاردىڭ ناۋقاس جۇقتىرۋ قاۋپىن انىقتاۋ بويىنشا جۇمىستار جالعاسۋدا. ال, ءتيىستى وشاقتاردا ەپيدەمياعا قارسى ءىس-شارالار جۇرگىزىلۋدە. بۇگىندە جامبىل وبلىسىندا كوروناۆيرۋسقا قاتىستى بارلىعى 61 جاعداي تىركەلسە, وبلىس ورتالىعى تاراز قالاسىندا 11-گە جەتىپ وتىر. سونىمەن قاتار, ينفەكتسيالىق ستاتسيوناردا 51 ادام ەمدەلۋدە.
جامبىل وبلىسى