شىمكەنتتىك مەديتسينا قىزمەتكەرلەرىنىڭ بالالارىنا نوۋتبۋكتار تارتۋ ەتىلدى. قاشىقتان وقۋ جۇيەسىنە كوشكەن دارىگەرلەردىڭ بالالارىنا سىيلىقتاردى «ASAA» جاستار قوعامدىق بىرلەستىگىنىڭ ەرىكتىلەرى جەتكىزىپ بەردى.
قايىرىمدىلىق شارا كوروناۆيرۋس ينفەكتسياسى پاندەمياسىنا قارسى كۇرەستە ايانباي ەڭبەك ەتىپ جۇرگەن مەديتسينالىق قىزمەتكەرلەرى مەن ولاردىڭ بالالارىن قولداۋعا باعىتتالعان. شاراعا الەۋمەتتىك دامۋ قورى مەن نازارباەۆ ۋنيۆەرسيتەتى دەمەۋشىلىك جاسادى. اتالعان قور ۇلتتىق ۆولونتەرلەر جەلىسىمەن بىرلەسىپ, ۇيىندە كومپيۋتەرى جوق مەديتسينالىق قىزمەتكەرلەردىڭ بالالارىنا كومەك كورسەتۋ ماقساتىندا 9 وتباسىعا نوۋتبۋك ۇلەستىردى.
اتالعان وتباسىلار قالالىق دەنساۋلىق ساقتاۋ باسقارماسى ۇسىنعان مالىمەتتەر نەگىزىندە الەۋمەتتىك جاعدايىنا قاراي تاڭدالعان. ولاردىڭ اراسىندا مەدبيكەلەر مەن سانيتار, فەلدشەرلەردىڭ بالالارى بار. الەۋمەتتىك دامۋ قورى كوروناۆيرۋس ينفەكتسياسىمەن كۇرەستە زور ۇلەسىن قوسىپ جۇرگەن مەديتسينا قىزمەتكەرلەرىنە العىسىن وسىلاي ءبىلدىرۋدى ءجون دەپ تاپتى.
ايتا كەتەيىك, يگى شارا اياسىندا جالپى پاۆلودار, كوكشەتاۋ, قىزىلوردا, شىمكەنت, تەمىرتاۋ, تالدىقورعان, اقتوبەدەگى مەديتسينا قىزمەتكەرلەرىنىڭ بالالارىنا 100 كومپيۋتەر ساتىپ الىنعان.
شىمكەنت