وبلىس اكىمى ماحامبەت دوسمۇحامبەتوۆ اتىراۋ قالاسىنداعى كارانتين تالابىنىڭ ساقتالۋىن تەكسەردى.
–وبلىستىق باس مەملەكەتتىك سانيتارلىق دارىگەردىڭ قاۋلىسىمەن اتىراۋ قالاسىندا كارانتيننىڭ مەزگىلى 1 مامىرعا دەيىن ۇزارتىلىپ, جەكە اۆتوكولىكپەن جۇرۋگە تىيىم سالىندى. قازىر قالا اۋماعىندا پوليتسيانىڭ جەكە قۇرامى جۇمىس ىستەپ جاتىر. اتىراۋ وبلىسى پوليتسيا دەپارتامەنتىنىڭ جەرگىلىكتى پوليتسيا قىزمەتى باسقارماسىنىڭ باسشىسى الىبەك قايىروۆتىڭ ايتۋىنشا, رۇقساتسىز جۇرەتىن كولىكتىردىڭ سانى ازايعان. كەشە 12 قۇقىقبۇزۋشىلىق تىركەلگەن. ال, بۇگىن كۇشەيتىلگەن شەكتەۋلەردى بۇزعاندارعا 10 اكىمشىلىك حاتتاما تولتىرىلعان. قازىر تەك ارنايى رۇقسات بەرىلگەن كولىكتەر عانا ءجۇرىپ جاتىر, -دەپ حابارلادى وبلىس اكىمىنىڭ ءباسپاسوز قىزمەتى.
اتىراۋ قالاسىنىڭ اكىمى قايرات ورازباەۆتىڭ ايتۋىنشا, قارتتار مەن مۇگەدەكتەرگە, جالعىزباستى ازاماتتارعا تاماق, ءدارى-دارمەك جەتكىزىپ بەرۋ مەن قوسىمشا قىزمەت كورسەتىلۋدە. قالادا كارانتين باستالعاننان بەرى دەمەۋشىلەرمەن بىرلەسىپ, «BizBirgemiz» اكتسياسى اياسىندا 179 جالعىزباستى زەينەتكەر مەن مۇگەدەككە ىستىق تاماق جەتكىزىلگەن. سونداي-اق, I-II-ءشى توپتاعى مۇگەدەكتىگى بار بالالار, جەتىم بالالار, جالعىز تۇراتىن زەينەتكەرلەر مەن 109 سەنىم تەلەفونىنا حابارلاسقان ازاماتتار ازىق-ت ۇلىكپەن, گيگيەنالىق ونىمدەرمەن قامتاماسىز ەتىلگەن.
–وبلىس تۇرعىندارىنىڭ جارتىسىنان استامى اتىراۋ قالاسىندا تۇرادى. كوروناۆيرۋس ينفەكتسياسىن جۇقتىرعانداردىڭ باسىم بولىگى وسىندا تىركەلدى. سوندىقتان, قالادا كارانتين تالابى قاتاڭ ساقتالۋى كەرەك. كارانتين مەرزىمىن ۇزارتۋ ءبىز ءۇشىن دە وڭاي بولمادى. ەڭ باستى ماقساتىمىز – ادامداردىڭ دەنساۋلىعى مەن قاۋىپسىزدىگىن ساقتاۋ. ءبىز وسىنى ەسكەرىپ, وسىنداي شەشىم قابىلدادىق. بىزگە ءتارتىپ پەن ءتوزىم كەرەك. سوندا عانا قاۋىپتى ينفەكتسيانى دەر كەزىندە اۋىزدىقتايمىز, -دەدى اتىراۋ وبلىسىنىڭ اكىمى ماحامبەت دوسمۇحامبەتوۆ.
جۇماسات عازيز