18 ءساۋىر كۇنى كەشكى ساعات 21.30.-دا باتىس قازاقستان وبلىسىندا كوروناۆيرۋس ىندەتىن جۇقتىرعانداردىڭ سانى 46-عا جەتتى. كوروناۆيرۋستىق ينفەكتسيا تابىلعان 7 ازامات تا رەسەي فەدەراتسياسىندا ۆاحتا ادىسىمەن جۇمىس جاسايتىن باتىسقازاقستاندىقتار.
ناۋقاستاردىڭ ءبارى دە رەسەي فەدەراتسياسىنىڭ ساراتوۆ وبلىسىمەن شەكاراداعى «تاسقالا» اۆتووتكەلىندەگى سانيتارلىق-كارانتيندىك بەكەتتەن ەل اۋماعىنا وتكەن. شەكاراداعى ەپيدەميولوگ ماماندار ولاردىڭ دەنە قىزۋىن ولشەپ, ساۋالناما جۇرگىزگەن كەزدە اۋرۋ بەلگىسى بايقالماعان. بىراق كارانتيندىك ستاتسيوناردا جاسالعان دياگنوستيكالىق زەرتتەۋ قورىتىندىسى 7 ازاماتتىڭ دا بويىنان COVID-19 ۆيرۋسىن تاپتى.
ولاردىڭ ەڭ جاسى 20 جاستا, ەڭ ۇلكەنى 47-دە. قازىر ءبارى دە وبلىستىق جۇقپالى اۋرۋلار اۋرۋحاناسىنا جاتقىزىلدى.
باتىس قازاقستان