جەڭىل سالماقتا كۇش سىناسىپ جۇرگەن قازاقستاندىق كاسىپقوي بوكسشى فيرۋزا شاريپوۆا وسىدان ءبىراز ۋاقىت بۇرىن رەسەيلىك سوفيا وچيگاۆانى جەكپە-جەككە شاقىرعان بولاتىن.
رەسەي سپورتشىسى كەزىندە لوندون وليمپياداسىنىڭ كۇمىس جۇلدەگەرى, الەمنىڭ ەكى جانە ەۋروپانىڭ ءۇش دۇركىن چەمپيونى اتانىپ, باسقا دا كوپتەگەن اسا ءىرى حالىقارالىق جارىستاردا جەڭىس تۇعىرىنا كوتەرىلدى. كاسىپقويلار ءاراسىنداوزىنىڭ تۇساۋكەسەر كەزدەسۋىن سوفيا وچيگاۆا 2016 جىلدىڭ 21 مامىرىندا فيرۋزا شاريپوۆا قارسى وتكىزىپ, ۇپاي سانىمەن جەڭىسكە جەتتى. ارادا ءۇش اي وتپەي جاتىپ, رەسەيلىك ەلەنا مەدۆەدەنكودان باسىم ءتۇستى. بىراق سودان كەيىن ءتورت جىلعا جۋىق ۋاقىت ۇلكەن سپورتتان قول ءۇزىپ كەتتى.
بيىل وچيگاۆا ءوز جاتتىعۋىن قايتا باستادى. بۇرىنعى قارسىلاسى رينگكە ورالعانى جايىندا قۇلاعدار بولعان جەرلەسىمىز ونى جەكپە-جەككە شاقىردى. رەسەي بوكسشىسى بۇل ۇسىنىستى قابىلدادى. ەندى قوس بىلعارى قولعاپ شەبەرلەرى 19 ماۋسىمدا رەسەيدىڭ قازان قالاسىندا كۇش سىناسادى دەپ كۇتىلۋدە.