قوستاناي وبلىسىندا تاعى ءتورت ادامنان ىندەت انىقتالدى. وڭىرلىك جەدەل اقپارات شتابىنىڭ مالىمەتىنشە, جىتىقارا قالاسىندا تۇراتىن 1943 جانە 1949 جىلى تۋعان ەرلى-زايىپتى 2 زەينەتكەردەن COVID-19 انىقتالعان.
سونداي-اق ىندەت 2017 جىلى تۋعان بالعىننان تابىلىپ وتىر. ۇشەۋى دە ىندەت العاش انىقتالعان ناۋقاستارعا كورشى تۇرعان. ناۋقاستار جىتىقارا اۋرۋحاناسىنداعى ينفەكتسيالىق بولىمگە جاتقىزىلدى, ءتيىستى ەم-شارالار قابىلدانۋدا.
سونىمەن قاتار, ارقالىق قالاسىندا تۇراتىن48 جاستاعى ايەلدەن دە COVID-19 انىقتالدى. قازىر ناۋقاسپەن بايلانىستا بولعان ادامدار انىقتالىپ جاتىر. ناۋقاس ايەل اۋرۋحاناعا جاتقىزىلدى.
جالپى 18 ساۋىردەگى جاعداي بويىنشا وبلىستا COVID-19 ىندەت جۇقتىرعان 15 ادام تىركەلدى.
قوستاناي وبلىسى