كوكشەتاۋ قالاسىنداعى «ورتالىق بازار» اكتسيونەرلىك قوعامى وبلىستىق دەنساۋلىق ساقتاۋ باسقارماسىنا ايماقتاعى مەديتسينالىق مەكەمەلەرگە قاجەتتى 400 قورعانىس كومبينەزونىن تابىس ەتتى.
بۇگىنگى كۇنى مەديتسينا قىزمەتكەرلەرىنىڭ قانشالىقتى قاۋىپ-قاتەرگە باسىن تىگىپ جۇمىس ىستەپ جاتقانى بارشاعا ءمالىم. وسى ورايدا, قورعانىس كومبينەزوندارى دەر ۋاقىتىندا كورسەتىلىپ وتىرعان كومەك دەسەك, ارتىق ايتقاندىق ەمەس.
–قوعامنىڭ كومەگى كوروناۆيرۋس ىندەتىمەن كۇرەسىپ جاتقان مەديتسينا مەكەمەلەرىنە قاجەتتىلىگىنە وراي بولىنەدى,–دەيدى دەنساۋلىق ساقتاۋ باسقارماسى باسشىسىنىڭ ورىنباسارى بولات ابىشەۆ.
ەل بىرلىگى – قۇدىرەتى كۇشتى تاس قامال. الميساقتان بەرى تالاي ىندەتتى جەڭگەن بىرلىگىمىز بۇل جولى دا قاتەرلى سىننان سۇرىنبەي وتەرى ءسوزسىز.
ء–بىز دارىگەرلەردىڭ قىزمەتىنىڭ قانشالىقتى قيىن ەكەندىگىن ءتۇسىنىپ وتىرمىز,–دەيدى «ورتالىق بازار» اكتسيونەرلىك قوعامىنىڭ پرەزيدەنتى دميتري يگناتەۆ,– سوندىقتان جاردەمدەسكىمىز كەلدى.
اۋىرتپالىققا ارقاسىن توساتىن ازاماتتار كوپ بولسا, ەلىمىزدىڭ تۇتاستىعى مەن حالىقتىڭ اماندىعىنا ەشقانداي قاۋىپ تونبەيدى.
اقمولا وبلىسى