اقش-تىڭ «New York Post» گازەتىندە 25 جىلعا جۋىق قىزمەت ەتكەن اتاقتى ءفوتوتىلشىسى ەنتوني كاۋزي كەشە كوروناۆيرۋستان قايتىس بولدى.
سانالى عۇمىرىنىڭ بارلىعىن سپورت جۋرناليستيكاسىنا ارناعان 48 جاستاعى امەريكالىق ازامات تالاي كەرەمەت فوتولار ءتۇسىرىپ, كوپتەگەن ءىرى بايقاۋلاردا جۇلدە الدى. 2008 جىلدىڭ كۇزىندە ەنتونيدىڭ اتاعى الىسقا جايىلدى. سول كەزدە اقش-تا رەسەيلىك حابيب نۇرماگومەدوۆ پەن يرلانديالىق كونور ماكگرەگوردىڭ UFC تۋرنيرىندە توبەلەسكەندەرىن جاقسى بىلەسىزدەر. باسەكە قىزعان تۇستا داعىستاندىق ورەن قارسىلاسىنا «قىلقىندىرۋ» ءادىسىن جاسايمىن دەپ, يەگىن ۇگىتىپ جىبەرە جازداعان ەدى. جانى كوزىنە كورىنگەن كونوردىڭ جەڭىلگەنىن مويىنداۋدان باسقا امالى قالمادى. مىنە, ءدال سول ءساتتى «ۇستاعان» كاۋزي ەدى.
وسىدان ءۇش اپتا بۇرىن ەنتونيدىڭ كوروناۆيرۋس دەرتىنە شالدىققانى انىقتالىپ, ول اۋرۋحانادا جەتكىزىلدى. دارىگەرلەر ەم-دوم جاساعانىمەن, فوتوگرافتى اجال تىرناعىنان امان الىپ قالا المادى.