بۇگىن تەمرىتاۋ قالاسىنداعى ەكى تۇرعىننىڭ كوروناۆيرۋس ينفەكتسياسىن جۇقتىرعانى زەرتحانالىق نەگىزدە راستالدى. ناۋقاستاردىڭ ءبىرى 18 جاستاعى جاس جىگىت. ەكىنشىسى – 52 جاستاعى ەر ادام.
بۇلاردىڭ ەكەۋى دە بۇرىن اۋىرعاندارمەن بايلانىستا بولعان دەگەن كۇدىكپەن كارانتيندىك ستاتسيونارعا جاتقىزىلعان ەكەن.
بۇگىنگى كۇندە قاراعاندى وبلىسىندا COVID-19 جۇقتىرۋدىڭ 89 وقيعاسى تىركەلگەن. بەس ناۋقاس جازىلىپ شىعىپ, ءبىر ادام قايتىس بولدى.
وبلىس بويىنشا تاۋلىك بويى باقىلاۋدا 781 ادام بار. ءۇي كارانتينىندە 2 340 ادام وتىر.