الماتى قالالىق پوليتسيا دەپارتامەنتىنىڭ حابارلاۋىنشا, ءانشى ارمان قوڭىرباەۆ تۇنگى 1 شاماسىندا اباي كوشەسىندەگى لاۋندج بارلاردىڭ بىرىندە دەمالعان.
«جۇرگىزىلگەن جەدەل شارالاردىڭ ارقاسىندا بۇل بار زاڭعا قايشى جۇمىس ىستەپ تۇرعانى انىقتالدى. بۇل مەكەمەنىڭ ەسىگى ايقارا اشىق بولماعان. ىشىنە تەك سەنىمدى ادامداردى كىرگىزگەن. سولاردىڭ ءبىرى ارمان قوڭىرباەۆ ءوزىنىڭ قۇقىقبۇزۋشىلىق جاساعانىن مويىندادى. بۇل دەرەك بويىنشا قر اقبك 476-بابىمەن 10 ادام اكىمشىلىك جاۋاپكەرشىلىككە تارتىلدى. ونىڭ ىشىندە مەكەمەنىڭ يەسى 28 جاستاعى ءجۇسىپوۆ تە بار. مامانداندىرىلعان اۋدانارالىق اكىمشىلىك سوتىنىڭ شەشىمىمەن ارمان قوڭىرباەۆ 10 اەك كولەمىندە اكىمشىلىك ايىپپۇل تولەيتىن بولدى. باسقالارى 5-15 تاۋلىك ارالىعىندا قاماۋعا الىنادى» دەدى قالالىق پد ءبىرىنشى ورىنباسارى نۇرلان الماسبەكوۆ.