بۇگىن ەلوردادا قىلقان جاپىراقتى جانە قىلقان جاپىراقتى اعاشتاردىڭ 500-دەن استام كوشەتتەرى وتىرعىزىلدى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.
«استانا-زەلەنستروي» جشس-دە اتاپ وتكەندەي, ەلوردادا لاندشافتى اباتتاندىرۋ جانە كوگالداندىرۋ جۇمىستارى جالعاسۋدا. گۇلزارلاردى تازالاۋ جانە اعاشتاردى كەسۋ بويىنشا جۇمىستار بەلسەندى جۇرگىزىلۋدە.
سونىمەن قاتار ەلوردادا جاپىراقتى جانە قىلقان جاپىراقتى اعاشتار وتىرعىزۋ بويىنشا جوسپارلى جۇمىس جۇرگىزىلۋدە.
«استانا-زەلەنستروي» جشس قىزمەتكەرلەرى ەلوردا داڭعىلدارىنىڭ بويىندا جوكە, قايىڭ, كەڭ جاپىراقتى, شىرشا,سيرەن, قاراعاي جانە تاعى باسقا اعاشتار وتىرعىزا باستادى. ولاردىڭ بارلىعى ارنايى پيتومنيكتە ءوسىرىلدى. كارانتين رەجيمىنە بايلانىستى كوممۋنالدىق قىزمەت جۇمىسشىلارى اعاش وتىرعىزۋ جۇمىستارىن جۇرگىزۋدە, كەيىن وسى يگىلىكتى جۇمىسقا قالا تۇرعىندارى دا قاتىسا الادى. كوشەتتەردى وتىرعىزۋ كەزىندە ارنايى تەحنولوگيا قاتاڭ ساقتالۋدا, ساپالى وتىرعىزۋ ماتەريالى پايدالانىلادى, سونداي-اق تۇراقتى سۋارۋ قامتاماسىز ەتىلەدى.
سونىمەن قاتار كوممۋنالدىق قىزمەتتەر وتىرعىزىلعان كوشەتتەردى كۇتەتىن بولادى جانە تۇرعىنداردى ەلوردالىق كوشەتتەر مەن گۇلدەردى ۇقىپتى قاراۋعا شاقىرادى.
جالپى بيىل ەلوردا اۋماعىندا 30 مىڭنان استام اعاش كوشەتتەرى وتىرعىزىلادى. سونىمەن قاتار نۇر-سۇلتان قالاسىندا 6 ملن-نان استام گۇل وتىرعىزىلادى.
ايتا كەتەيىك, وتكەن اپتادا ش. ايتماتوۆتىڭ بويىندا كوممۋنالدىق قىزمەتتەر 500-دەن استام كوشەت وتىرعىزدى.