مەملەكەت باسشىسىنىڭ مەملەكەتتىك قىزمەتشىلەردى قاشىقتىقتان جۇمىس ىستەۋ تۋرالى تاپسىرماسىن ورىنداۋ ماقساتىندا وبلىستا ءتيىستى جۇمىستار جۇرگىزىلۋدە.
بۇگىنگى تاڭدا وبلىستىڭ جەرگىلىكتى اتقارۋشى ورگاندارى قىزمەتشىلەرىنىڭ 70 پروتسەنتى قاشىقتىقتان جۇمىسقا اۋىستىرىلدى. قىزمەتكەرلەردىڭ ۇيدە كەدەرگىسىز جانە ءتيىمدى جۇمىس ىستەۋى ءۇشىن بارلىق قاجەتتى جاعدايلار جاسالعان. ءاربىر قىزمەتشىنى قاجەتتى اقپاراتتىق جۇيەلەرگە قاشىقتىقتان قوسۋ ءۇشىن تەحنيكالىق مۇمكىندىكتەر قامتاماسىز ەتىلگەن. قاشىقتىقتان جۇمىس ىستەيتىن قىزمەتشىلەردىڭ ەڭبەگىنە اقى تولەۋ ەڭبەك زاڭناماسىمەن رەتتەلەدى جانە تولىق كولەمدە جۇزەگە اسىرىلاتىن بولادى.
ەنگىزىلگەن توتەنشە جاعدايدا مەملەكەتتىك قىزمەتتەردى ونلاين تۇرىندە ەلەكتروندى فورماتتا الۋعا سۇرانىس كوبەيدى. قىسقا مەرزىم ىشىندە egov.kz پورتالى ارقىلى ەلەكتروندى-تسيفرلىق قولتاڭبانى الۋ مۇمكىندىگى, Telegram-Bot ارقىلى جاردەماقى الۋعا ءوتىنىم راسىمدەۋ جانە باسقا دا قىزمەتتەر ەنگىزىلدى.
اتالعان وزگەرىستەر ەڭ الدىمەن ازاماتتاردىڭ قاۋىپسىزدىگىن قامتاماسىز ەتۋگە باعىتتالعان, سونىمەن قاتار بۇل مەملەكەتتىك اپپارات جۇمىسىنىڭ فورماتىن وزگەرتۋگە, مەملەكەتتىك قىزمەتشىلەردىڭ كاسىبي ۇتقىرلىعى مەن باسەكەگە قابىلەتتىلىگىن ارتتىرۋعا مۇمكىندىك بەرىپ وتىر.