ءبىلىم جانە عىلىم ۆيتسە-ءمينيسترى شولپان كارينوۆا ەلىمىزدە قاشىقتىقتان وقىتۋدىڭ ەكىنشى اپتاسى قالاي وتكەنى جايىندا ايتىپ بەردى.
«بارلىق مەكتەپتەردە قاشىقتان وقىتۋدىڭ ەكىنشى وقۋ اپتاسى اياقتالدى. بۇل جۇمىستىڭ قالىپتى جاعدايدا جۇرگىزىلىپ وتىرعانىن كورىپ وتىرمىز. بۇعان دەيىن ايتقانىمىزداي قاشىقتان وقىتۋدىڭ بىرنەشە فورماتىن ۇسىنعان بولاتىنبىز. وسى اپتاداعى دەرەكتەرگە سۇيەنسەك, 2,4 ملن وقۋشىلار مەن مۇعالىمدەر ينتەرنەت پلاتفورمالاردى قولدانعان. ەلەكتروندىق جۋرنالدار جۇيەسىندە دە ونىڭ ىشىندە ەڭ ۇلكەن جۇيە «كۇندەلىك» جۇيەسىندە وقۋشىلار مەن مۇعالىمدەردىڭ بەلسەندى تۇردە ىستەگەن جۇمىستارىن كورىپ وتىرمىز», دەدى شولپان كارينوۆا.
بۇدان سوڭ ول «بالاپان» جانە «ەل ارنا» تەلەارنالارىنداعى ونلاين ساباقتاردىڭ ءوتۋ بارىسىن اتاپ ءوتتى.
«800 مىڭنان استام وقۋشىلار «بالاپان» جانە «ەل ارنا» تەلەارنالارىنداعى ونلاين ساباقتار جۇيەسىمەن وقىدى. مۇعالىمدەردىڭ كەرى بايلانىستارى دا قولدا بار قولجەتىمدى قۇرالدار ارقىلى جەتكىزىلىپ وتىر. ولار ەلەكتروندى جۋرنالدار جۇيەسى مەن ءتۇرلى مەسسەندجەرلەر ارقىلى جۇزەگە اسىپ جاتىر», دەدى ول.