ءسابىز, پياز, ورامجاپىراق ەكسپورتىنا ارنالعان فيتوسانيتارلىق سەرتيفيكاتتار شتاتتى رەجيمدە بەرىلۋدە. بۇل تۋرالى اشم ءباسپاسوز قىزمەتى حابارلادى.
مينيسترلىكتىڭ مالىمەتىنە سايكەس, فەرمەرلەر مەن ەكسپورتتاۋشىلارعا 5 مىڭ توننا پياز ەكسپورتىنا 220 سەرتيفيكات, 240 توننا ءسابىز ەكسپورتىنا 14 سەرتيفيكات, 7,2 توننا ورامجاپىراق ەكسپورتىنا 310 فيتوسانيتارلىق سەرتيفيكات بەرىلدى.
توتەنشە جاعدايدىڭ ەنگىزىلۋىنە بايلانىستى وسىمدىكتەردىڭ مەملەكەتتىك كارانتيندىك ينسپەكتورلارى كۇشەيتىلگەن جۇمىس رەجيمىنە ءوتتى. تەكسەرۋ پروتسەدۋرالارى زاڭنامادا بەلگىلەنگەن تارتىپپەن جۇرۋدە, فيتوسانيتاريالىق جاعدايدى قاراعاننان كەيىن بارلىق ءوتىنىش يەلەرىنە سەرتيفيكاتتار بەرىلەدى. فيتوسانيتاريالىق سەرتيفيكاتتاردى بەرۋ 5 جۇمىس كۇنىن, كارانتيندىك سەرتيفيكاتتاردى بەرۋ - 3 جۇمىس كۇنىن الادى.
پياز, ورامجاپىراق, ءسابىز جانە كوكونىستەر مەن جەمىستەردىڭ باسقا تۇرلەرىن (ازىق-ت ۇلىك كارتوپتارىن قوسپاعاندا) ەكسپورتتاعىسى كەلەتىندەر قازاقستان رەسپۋبليكاسى اۋىل شارۋاشىلىعى مينيسترلىگى اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ وبلىستىق جانە اۋداندىق اۋماقتىق بولىمشەلەرىنەن فيتوسانيتاريالىق سەرتيفيكاتتار الا الادى.