«ۇلتتىق اگرارلىق عىلىمي-ءبىلىم بەرۋ ورتالىعى» كەاق باسقارما توراعاسى تولەۋتاي راقىمبەكوۆتىڭ باستاماسىمەن ورتالىقتىڭ عالىمدارى اۋىلشارۋاشىلىق تاۋار وندىرۋشىلەرگە بۇقارالىق اقپارات قۇرالدارى - Facebook, Instagram, Telegram الەۋمەتتىك جەلىلەر مەن عالامتور رەسۋرستارى ارقىلى ونلاين كەڭەس بەرۋ جۇرگىزىلۋدە, دەپ حابارلادى «ۇلتتىق اگرارلىق عىلىمي-ءبىلىم بەرۋ ورتالىعى» كەاق باسپاسوز قىزمەتى.
COVID-19 پاندەمياسى سالدارىنان قازاقستاندا ەنگىزىلگەن توتەنشە جاعدايعا قاراماستان, اعىمداعى جىلدىڭ 30 ناۋرىزىنان باستاپ ۇاعببو قازاق ۇلتتىق اگرارلىق ۋنيۆەرسيتەتىمەن جانە ەگىنشىلىك جانە وسىمدىك شارۋاشىلىعى, ماقتا شارۋاشىلىعى, جەمىس شارۋاشىلىعى, كۇرىش شارۋاشىلىعى, مال شارۋاشىلىعى جانە وسىمدىك شارۋاشىلىعى عىلىمي-زەرتتەۋ ينستيتۋتتارىمەن بىرلەسىپ, 47 184 ادامدى جانە قوسىمشا قارالىم 6 740 ادامدى قامتيتىن, نەگىزىنەن كوكتەمگى - دالالىق جۇمىستارعا دايىندىق ماسەلەلەرىنە قاتىستى, 7 ونلاين كەڭەس بەرۋ وتكىزىلدى.
سونىمەن قاتار, ۇاعببو عالىمدارىمەن 2020 جىلدىڭ 15 ساۋىرىنەن 15 ماۋسىمى ارالىعىندا اۋىل شارۋاشىلىعى تاۋار وندىرۋشىلەردى قىزىقتىراتىن تاقىرىپتارى بويىنشا شامامەن 229 كەڭەس وتكىزۋ جوسپارلانعان.
«كوكتەمگى ەگىس جۇمىستارى كەزىندە فەرمەرلەرگە قولداۋ كورسەتۋ وتە ماڭىزدى. وسىعان بايلانىستى ۇاعببو عالىمدارى كەج كەزەڭىندە اۋىل شارۋاشىلىعى تاۋارلارىن وندىرۋشىلەرگە قولداۋ كورسەتۋ ءۇشىن بارلىق كۇش-جىگەرىن جۇمساۋدا. COVID-19 پاندەمياسى سالدارىنان قازاقستاندا ەنگىزىلگەن توتەنشە جاعدايعا قاراماستان, ءبىز, عالىم-اگرارشىلار قازاقستاننىڭ بارلىق وڭىرلەرىندە قازىرگى زامانعى اقپاراتتىق-كوممۋنيكاتسيالىق تەحنولوگيالار ارقىلى فەرمەرلەر ءۇشىن بەلسەندى كونسۋلتاتيۆتىك جۇمىس جۇرگىزۋدى جالعاستىرۋدى كوزدەپ وتىرمىز. بۇگىندە بىزگە فەرمەرلەردەن كوپتەگەن ماڭىزدى ماسەلەلەر كەلىپ تۇسۋدە جانە ۇاعببو-نىڭ بارلىق ەنشىلەس ۇيىمدارى وزدەرىنىڭ ۇسىنىستارىن ونلاين رەجيمىندە ۇسىنادى», - دەپ اتاپ ءوتتى ت. راقىمبەكوۆ.
ونلاين كەڭەس بەرۋ جۇمىسى بارىسىندا ۇاعببو ساراپشىلارى تىڭداۋشىلارمەن جانە كەڭەس بەرۋ قاتىسۋشىلارىمەن سۇراق-جاۋاپ تۇرىندە كەرى بايلانىس جۇرگىزدى. بارلىق قاتىسۋشىلار مەن تىڭداۋشىلارعا ونلاين كەڭەس بەرۋ بارىسىندا شارۋاشىلىقتارداعى پروبلەمالىق سۇراقتارعا تولىق جاۋاپتار بەرىلدى. عالىمدار فەرمەرلەردىڭ ءداندى, جەمشوپ, كوكونىس داقىلدارىن ەليتالىق تۇقىمدارمەن قامتاماسىز ەتۋ, شارۋاشىلىقتار اۋماعىنىڭ اگروحيميالىق كارتوگراممالارىن جاساۋ جانە ولاردىڭ قۇنى, تىڭايتقىشتار ەنگىزۋ (كولەمى جانە سانى), پارازيتتەر مەن اۋرۋلارعا قارسى اگروحيميالىق ءىس-شارالار جۇرگىزۋ, قولدان ۇرىقتاندىرۋ تەحنولوگيالارىن ەنگىزۋ, جايىلىمداردىڭ جاي-كۇيى جانە ولاردىڭ توزۋى, رەسپۋبليكانىڭ وڭتۇستىك-شىعىس بولىگىندەگى تاۋ بوكتەرىندەگى جىرتىلعان جەرلەردىڭ تۇزدالعان جانە ەروزيالانعان توپىراقتارىنىڭ ەرەكشەلىكتەرى جانە ولاردىڭ قۇنارلىلىعىن جاقسارتۋ جونىندەگى شارالار ماسەلەلەرىنە قاتىستى جانە تاعى باسقا دا كوپتەگەن سۇراقتارىنا جاۋاپ بەردى.
جوعارى قىزىعۋشىلىق پەن ونلاين ۋاقىتتىڭ شەكتەۋلىگى, سونداي-اق كوپتەگەن سۇراقتار, بارلىق ۇسىنىستار مەن جاۋاپتار فەرمەرلەردىڭ ەلەكتروندىق پوشتاسىنا جازباشا تۇردە ۇسىنىلادى.
بۇدان باسقا, ۇاعببو عىلىمي-زەرتتەۋ ينستيتۋتتارى مەن ورتالىقتارى, اۋىل شارۋاشىلىعى تاجىريبە ستانتسيالارى مەن شارۋاشىلىقتارى جەرگىلىكتى جەرلەردە دەربەس ونلاين كونسۋلتاتسيالار وتكىزەدى.
ايتا كەتۋ كەرەك, ۇاعببو عالىمدارى 2019 جىلى 610 كەڭەس وتكىزدى. اعىمداعى جىلى 15 ساۋىردەن 15 ماۋسىم ارالىعىندا عالىم-اگراريلەر 229 ونلاين كەڭەس وتكىزۋدى جوسپارلاپ وتىر, بۇل وتكەن جىلمەن سالىستىرعاندا 62,5% - عا از. 2019 جىلى ۇاعببو ەنشىلەس ۇيىمدارىمەن 16 706 ادامدى قامتيتىن 1 036 اقپاراتتىق-ءتۇسىندىرۋ ءىس-شارالارىن وتكىزدى, ونىڭ ىشىندە: - سەمينارلار مەن كۋرستار - 335 بىرلىك, ونىڭ قورىتىندىسى بويىنشا وقىتۋدان 8 635 ادام ءوتتى; - اعىمدىق (كوشپەلى) كونسۋلتاتسيالار -161 بىرلىك, ونىڭ قورىتىندىسى بويىنشا 742 ادام كەڭەس الدى; - ساراپشىلارمەن تىكەلەي كونسۋلتاتسيالار- 449 بىرلىك, ونىڭ قورىتىندىسى بويىنشا764 ادام كەڭەس الدى; - 4 394 ادامنىڭ قاتىسۋىمەن جالپى سانى 54 بىرلىك دالا كۇندەرى; - كونفەرەنتسيالار, دوڭگەلەك ۇستەلدەر, كەڭەستەر, ۇسىنىستار جانە تاعى باسقا شارالار وتكىزىلدى.