جاپونيا پرەمەر-ءمينيتسترى سيندزو ابە مەن ۇكىمەت مۇشەلەرى ءوز تابىستارىنىڭ 20-30 پايىزىن قازىناعا ءوز ەرىكتەرىمەن قايتارىپ جاتىر,- دەپ حابارلادى تاسس اگەنتتىگى.
بۇل تۋرالى بۇگىن مينيسترلەر كابينەتىنىڭ باس حاتشىسى يوسيحيدە سۋگا ءباسپاسوز ءماسليحاتىندا جۋرناليستەردىڭ سۇراقتارىنا جاۋاپ بەرۋ كەزىندە ايتقان. جۋرناليستەر باس حاتشىدان جاڭا تيپتەگى كوروناۆيرۋستىڭ سالدارىنان ەكونوميكالىق پروبلەمالار ورىن الىپ جاتقاندا, مينيسترلەر ءوز تابىستارىمەن ءبولىسۋى مۇمكىن بە دەگەن سۇراعاندا, ول بىلاي جاۋاپ بەرگەن: «پرەمەر-مينيستر ءوز جالاقىسى مەن سىياقىسىنىڭ 30 پايىزىن انە-مىنە بيۋدجەتكە قايتارعالى وتىر. مينيسترلەر كابينەتى 20 پايىز تابىستارىن قايتارادى. مەن پارلامەنت دەپۋتاتتارى دا وسى ماسەلەنى تالقىلاپ جاتىر دەپ ەستىدىم»
جاپونيا پرەمەر-ءمينيسترىنىڭ ايلىق جالاقىسى 30,5 مىڭ دوللار. ال, مينيسترلەردىڭ ايلىعى 22,7 مىڭ دوللار. جالپى, جاپونيادا بۇنداي وقيعالار قالىپتى جاعداي بوپ ەسەپتەلەدى. ءوز ايلىق جالاقىلارىنىڭ بەلگىلى ءبىر بولشەگىن حالىقتىڭ قامى ءۇشىن قازىناعا قايتارۋ ولاردا 2011 جىلدان باستالعان.