وڭىردە كولىك كوممۋنيكاتسيالارىنىڭ ءتيىستى دەڭگەيدە بولۋ ماسەلەسى باستى نازاردا. مەملەكەت باسشىسى قاسىم-جومارت توقاەۆ جەرگىلىكتى بيلىككە بۇل مىندەتتەردى شەشۋدى تاپسىرعان بولاتىن.
وسىعان سايكەس, وبلىستىق ماڭىزى بار 440 شاقىرىم جولدى جوندەۋ جانە قايتا جاڭارتۋ جوسپارلانعان. 6 اۋدان ورتالىعىنداعى جولدار جوندەلەدى. سونىمەن قاتار وبلىستىڭ بارلىق وڭىرىندە كەنتىشىلىك جولداردى جاڭارتۋ كوزدەلگەن. ايماقتا جەرگىلىكتى ماڭىزى بار اۆتوموبيل جولدارىنىڭ ۇزىندىعى 5626 شاقىرىمدى قۇرايدى. ونىڭ 2661 شاقىرىمى وبلىستىق, 3 مىڭعا جۋىق شاقىرىمى اۋداندىق ماڭىزداعى جولدار.
– جول قوزعالىسىنىڭ قاۋىپسىزدىگىن قامتاماسىز ەتۋ ماقساتىندا جىل سايىن بيۋدجەت ەسەبىنەن جول جوندەۋ جۇمىستارىنا قوماقتى قاراجات قاراستىرىلادى. ونىڭ ىشىندە جول سالۋ, قايتا جاڭارتۋ جانە كۇردەلى, سونداي-اق اعىمداعى جوندەۋ جۇمىستارى جوسپارلانعان. بيىل جەرگىلىكتى ماڭىزى بار اۆتوموبيل جولدارىن جوندەۋدەن وتكىزۋگە 24 ميلليارد تەڭگە باعىتتالىپ وتىر, – دەيدى وبلىستىق جولاۋشىلار كولiگi جانە اۆتوموبيل جولدارى باسقارماسى جەتەكشىسىنىڭ ورىنباسارى ۆلاديمير كۋلاكوۆ.
وبلىس ورتالىعىندا قالا ىشىلىك جولدارعا جوندەۋ جۇمىستارى قارقىندى جۇرگىزىلۋدە.
– ءدال قازىر پۋشكين كوشەسىندە اسفالت-بەتون توسەپ جاتىر. تەحنيكا مەن جۇمىس كۇشى جەتكىلىكتى, – دەيدى ۋچاسكە شەبەرى ەكپىن مولداحمەت.
ۇستىمىزدەگى جىلى بالكاشينو - شانتوبە باعىتى مەن جاڭا كولۋتون - ازات - مينسك جولدارىنا كۇردەلى جوندەۋ جۇمىستارى جۇرگىزىلمەك. سونداي-اق اقكول-جۋراۆلەۆكا, قونىسباي - سەيفۋللين - قىزىلسايا ەلدى مەكەندەرىنىڭ اراسىنداعى جولدار جاڭارتىلادى.
اقمولا وبلىسى