مەن قازىر وبلىس ورتالىعىنداعى پروۆيزورلىق گوسپيتالدا اعا مەدبيكە بولىپ جۇمىس ىستەيمىن. وسى سالادا 21 جىلدان بەرى ەڭبەك ەتىپ كەلەمىن. 22 ناۋرىزدان بەرى ۇيگە قايتپاي, ءۇزىلىسسىز قىزمەت اتقارۋدامىز. ەكى اپتا جۇمىس ىستەسەك, ەكى اپتا دەمالامىز. قازىر ەكىنشى كەزەككە شىقتىم.
مەن 2-توپتاعى قاۋىپتىلىگى جوعارى مەديتسينا قىزمەتكەرلەرىنىڭ قاتارىندامىن. مەملەكەت تاعايىنداعان تيەسىلى سىياقىنى الىپ قۋانىپ جاتىرمىز. الدىڭعى شەپتە جۇرگەن اق حالاتتىلاردىڭ ەڭبەگىن جوعارى باعالاعان پرەزيدەنتكە العىسىم شەكسىز. ارينە بۇل ءبىزدىڭ مىندەتىمىز بولعاندىقتان ەشكىمگە ەشتەڭە بۇلدامايتىنىمىز انىق. دەگەنمەن, ەڭبەكتىڭ ەلەنگەنى كوڭىلىمىزدى كوتەردى.
ال تاڭداعان ماماندىعىمنىڭ ەلدىڭ يگىلىگىنە جاراپ, جۇرتقا كومەگىمنىڭ تيگەنىنە قۋانىشتىمىن.
انار يمانعازينا,
اقتوبە وبلىستىق ينفەكتسيالىق اۋرۋحاناسىنىڭ مەدبيكەسى