كوروناۆيرۋس ينفەكتسياسىنىڭ تارالۋىن تەجەۋ ءۇشىن بۇگىننەن باستاپ وبلىس ورتالىعىندا قوعامدىق كولىك قوزعالىسىنا تولىق تىيىم سالىنادى.
قىزىلوردا قالالىق باس مەملەكەتتىك سانيتاريالىق دارىگەرى جانار جەتىلگەنوۆانىڭ ايتۋىنشا بۇل ارنايى قاۋلى نەگىزىندە قابىلدانىپ وتىرعان شەشىم. قاۋلىدا مەملەكەتتىك ۇيىمدار, بارلىق مەكەمەلەر جانە كاسىپكەرلىك نىساندار قىزمەتكەرلەرىنىڭ 80 پايىزدان استامىنىڭ قاشىقتان جۇمىس ىستەۋ جۇيەسىنە كوشۋى كەرەكتىگى كورسەتىلگەن. ال قالعان قىزمەتكەرلەردى جۇمىس بەرۋشى مەكەمە كولىگىمەن تاسىمالداعانى ءجون.
قالاسى اكىمىنىڭ ورىنباسارى بەكتاس نۇريدينوۆ بۇل شەشىم ازاماتتاردىڭ قاۋىپسىزدىگى ءۇشىن قولعا الىنىپ وتىرعانىن جەتكىزدى.
قازىر وبلىس بويىنشا ۆيرۋس جۇقتىرعان 119 ادام ەمدەلىپ جاتىر. ونىڭ 12-ءسى وبلىس ورتالىعىنان. قالا اكىمدىگى وكىلدەرىنىڭ ايتۋىنشا قوعامدىق كولىك قىزمەتىنە تىيىم كارانتين مەرزىمى بىتكەنشە سوزىلۋى مۇمكىن.