351 مىڭ قازاقستاندىق Kaspi Gold ارقىلى 42 500 تەڭگە جاردەماقى الدى. تەك سوڭعى 3 كۇندە 200 مىڭعا جۋىق قازاقستاندىق Kaspi.kz قوسىمشاسىندا ونلاين Kaspi Gold شوتىن اشتى.
Kaspi.kz باسشىسى ميحايل لومتادزە بۇل تۋرالى: ء«بىز قازىر Kaspi.kz -ءتىڭ ەڭ زاماناۋي تسيفرلى تەحنولوگيالارى ءىس جۇزىندە مەملەكەتكە حالىقتى الەۋمەتتىك قولداۋ باعدارلاماسىن قىسقا مەرزىمدى جۇزەگە اسىرۋعا, ال قازاقستاندىقتارعا جاردەماقىنى ىڭعايلى ءارى ەڭ باستىسى, ۇيدەن شىقپاستان قاۋىپسىز الۋعا كومەكتەسكەنىن كورىپ وتىرمىز. قازىردىڭ وزىندە 351 مىڭ تۇتىنۋشىمىز Kaspi Gold ارقىلى 42 500 تەڭگە جاردەماقى الىپ ۇلگەردى» دەپ اتاپ ءوتتى.
بانك باسشىسىنىڭ ايتۋىنشا, «Kaspi Gold كەزەكتى رەت Kaspi.kz ۇسىنعان ەڭ سۇيىكتى جانە تانىمال كارتا مارتەبەسىن تاعى دا راستادى. تەك سوڭعى 3 كۇندە 200 مىڭعا جۋىق قازاقستاندىق ءبىزدىڭ قوسىمشامىز ارقىلى ونلاين Kaspi Gold شوتىن اشتى».
9 ءساۋىر, جۇما كۇنى ميحايل لومتادزە قازاقستاندىقتار بولىمشەگە كەلمەستەن, ۇيدە وتىرىپ Kaspi.kz قوسىمشاسىندا Kaspi Gold شوتىن اشۋعا مۇمىندىك بەرەتىن جاڭا, ەرەكشە ونلاين سەرۆيستىڭ ىسكە قوسىلعانىن حابارلادى. شوت ءنومىرىن 42 500 تەڭگە جاردەماقىنى الۋ ءۇشىن پايدالانا الادى.
قازاقستاندىقتار Kaspi Gold شوتىن اشقاننان كەيىن Kaspi بانكوماتتان اقشا شەشىپ, كەز كەلگەن Kaspi Gold-قا اقشا اۋدارىپ, 5 مىڭنان استام قىزمەت اقىسىن كوميسسياسىز تولەي الادى, سونداي-اق Kaspi.kz-تەگى دۇكەندە زات ساتىپ الۋىنا جانە بونۋس يەلەنۋىنە بولادى. كارانتين مەن توتەنشە جاعداي اياقتالعان سوڭ Kaspi Gold پلاستيكالىق كارتاسىن Kaspi.kz-ءتىڭ كەز كەلگەن بولىمشەسىندە 1-اق مينۋتتا الىپ, قالاداعى دۇكەندەردە كارتا ارقىلى زات ساتىپ الۋعا بولادى.