وڭىردە قاۋىپسىزدىك شارالارىن كۇشەيتۋ ماقساتىندا ءساۋىردىڭ 12-نە قاراعان ءتۇنى ساعات 00:00-دەن باستاپ تۇرعىندار مەن كولىك قوزعالىسىنا قاتاڭ شەكتەۋلەر ەنگىزىلدى.
وسىعان بايلانىستى جۇرگىزىلگەن رەيد بارىسىندا قاۋلىدا كورسەتىلگەن تالاپتاردى ورىنداماعان 100 تۇرعىننىڭ اۆتوكولىكتەرى ايىپپۇل الاڭىنا قويىلدى. سونىمەن قاتار, كارانتين كەزىندە كوشەدە بەتپەردەسىز جۇرگەن 25 تۇرعىن دا جازاسىز قالمادى.
وسىعان بايلانىستى قر اقبتك-ءنىڭ 476-بابىمەن اكىمشىلىك حاتتامالار تولتىرىلىپ, ءتيىستى شارا قولدانۋ ءۇشىن جيناقتالعان قۇجاتتار سوتقا جولداندى.
وبلىستىق پوليتسيا دەپارتامەنتىنىڭ ءباسپاسوز قىزمەتى تۇرعىنداردان توتەنشە جاعداي تالاپتارىنىڭ ورىندالۋىن باقىلايتىن پوليتسيا قىزمەتكەرلەرىنىڭ ءىس-ارەكەتتەرىنە تۇسىنىستىكپەن قاراپ, ازاماتتاردىڭ قاۋىپسىزدىگى مەن ءتارتىبىن قامتاماسىز ەتەتىن شەكتەۋ شارالارىن بارىنشا ساقتاۋدى سۇرايدى.