اتىراۋدا #Bizbirgemiz قايىرىمدىلىق اكتسياسى اياسىندا NCOC كومپانياسى مەكتەپ وقۋشىلارىنا 1200 كومپيۋتەردى سىيعا بەرگەلى وتىر.
«NCOC كومپانياسى مەملەكەتتىك ورگاندارمەن كەلىسە وتىرىپ, وقۋشىلاردىڭ ونلاين رەجيمىندە ءبىلىم الۋى ءۇشىن ارتىق كومپيۋتەرلەردى تابىستاۋ ارقىلى ءبىلىم بەرۋ مەكەمەلەرىنە قولداۋ كورسەتۋ تۋرالى شەشىم قابىلدادى. 10 ساۋىردە NCOC وڭىردەگى مەكتەپتەردىڭ قاجەتتىلىگىن قامتاماسىز ەتۋ ماقساتىمەن العاشقى 100 كومپيۋتەردى تابىستادى. كومپيۋتەرلەر اتىراۋ وبلىسىنىڭ ءبىلىم بەرۋ باسقارماسىنا مەكتەپتەرگە تاراتۋ ءۇشىن جەتكىزىلدى. كەيىن ولار جاعدايى تومەن وتباسىلاردىڭ بالالارىنا جىبەرىلەدى» دەپ حابارلادى كومپانيانىڭ ءباسپاسوز قىزمەتى.
ەندى تاياۋدا NCOC كومپانياسى شامامەن 1200 كومپيۋتەردى سىيعا تارتپاق.
جۇماسات عازيز
اتىراۋ