ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ «42 500 تەڭگە ستۋدەنتتەرگە بەرىلە مە؟» دەگەن سۇراققا جاۋاپ بەردى.
«ستۋدەنتتەر الەۋمەتتىك تولەم الا ما دەگەن سۇراق كەلىپ جاتىر. بۇل رەتتە ستۋدەنتتەر دەگەن بولەك سانات جوق. سەبەبى ول - ەلىمىزدىڭ كامەلەتتىك جاسقا تولعان ازاماتى. ەڭبەك زاڭىنا سايكەس, 16 جاستان باستاپ جۇمىس ىستەۋگە بولادى. شاكىرتاقى الاتىندىعىنا, المايتىندىعىنا قاراماستان جۇمىس ىستەۋىنە ەش كەدەرگى جوق. ونداي شەكتەۋ دە قويىلمايدى», - دەدى مينيستر.
مينيستر ستۋدەنتتەردىڭ باسىم كوپشىلىگى وقۋ پروتسەسىنە كەدەرگى كەلمەيتىن ۋاقىتتا جۇمىس ىستەپ جۇرگەنىن اتاپ ءوتتى.
«ەگەر رەسمي جۇمىس ىستەسە, جۇمىس بەرۋشى بەرەدى. ال ءوز بەتىنشە اقشا تاۋىپ جۇرگەندەر بولسا, ءوتىنىش بەرۋلەرى قاجەت. بىراق ودان ءبىر كۇن بۇرىن بىرىڭعاي جيىنتىق تولەمدى تولەۋى كەرەك. سول كەزدە الەۋمەتتىك تولەم الادى. ءبىز شاكىرتاقى الاتىندىعىن نە المايتىندىعىن تەكسەرىپ جاتپايمىز», - دەدى ءبىرجان نۇرىمبەتوۆ.