بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ مالىمدەدى.
«بۇگىنگى كۇندە ەلىمىزدە 3 ميلليون 703 مىڭ ادام ءوتىنىش بەردى. ءوتىنىش سانى - 4 ميلليون 900 مىڭ. ونىڭ ىشىندە بۇگىنگە 1 ميلليون 779 مىڭ ادامعا الەۋمەتتىك تولەمدەر تاعايىندالدى جانە ەسەپشوتتارىنا 75 ميلليارد 600 ميلليون تەڭگە اۋدارىلدى» دەدى ول.
سونداي-اق مينيستر كوپ قويىلىپ جاتقان سۇراقتارعا جاۋاپ بەردى.
«مەن الا الامىن با دەگەن سۇراقتار ءجيى قويىلۋدا. بۇل جەردە ءتارتىپ مىنانداي: جۇمىس ىستەپ جۇرگەن, رەسمي نەمەسە بەيرەسمي جانە دە توتەنشە جاعدايدىڭ سالدارىنان سول تابىستارىنان ايىرىلىپ قالعان ازاماتتارعا تاعايىندالادى. سوندىقتان اۋەلى وزدەرىڭىز ءۇشىن سونى ناقتىلاپ الىڭىزدار. مەن كومپانيادا, مەكەمەدە ىستەدىم, جەكە كاسىپكەرلىكپەن اينالىستىم, بەيرەسمي, سالىق تولەمەي ءوزىم تىرشىلىك ىستەدىم, بىراق قازىر تابىسىمنان ايىرىلىپ قالدىم. سەبەبى توتەنشە جاعدايعا بايلانىستى جۇمىس ورنىمنان ايىرىلدىم دەگەن وتىنىشتەر كوپ. سىزدەر وسى كۇنگە دەيىن اقشا تاۋىپ جۇردىڭىزدەر, بىراق سول اقشانىزدى جوعالتساڭىز, ءسىزدىڭ قۇقىعىڭىز بار» دەدى مينيستر.