قىزىلوردا وبلىسىندا ءبىر تاۋلىك ىشىندە تاعى 12 ادامنىڭ ۆيرۋس جۇقتىرعانى بەلگىلى بولىپ وتىر. بۇل تۋرالى بۇگىن وڭىرلىك كوممۋنيكاتسيا الاڭىنداعى بريفينگتە وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدىسامەتوۆ حابارلادى.
– جاڭادان انىقتالعان جاعدايدىڭ 9-ى سىرداريا اۋدانىنداعى امانگەلدى اۋىلىنان بايقالىپ وتىر. تاعى ەكى ناۋقاس ارال اۋدانىنان شىقتى. بۇلار بۇرىن ىندەتكە شالدىققاندارمەن قارىم-قاتىناستا بولعاندار. وسىعان دەيىن ىندەتتەن ىرگەسىن اۋلاق سالىپ كەلگەن قازالى اۋدانىندا العاشقى وقيعا تىركەلدى. مايداكول اۋىلىنان انىقتالعان ادام نۇر-سۇلتان قالاسىنان كەلگەن. بۇل جاڭادان تابىلعان ينفەكتسيا وشاعى, – دەيدى وبلىستىڭ باس دارىگەرى.
بۇگىنگى كۇنگە وبلىس بويىنشا ۆيرۋس جۇقتىرعاندار سانى 116-عا جەتتى. ولارمەن بايلانىستى بولعان 1227 تۇرعىن انىقتالدى. باس دارىگەردىڭ ايتۋىنشا سىرداريا اۋدانىنداعى ناۋقاستار كوپ تىركەلگەن امانگەلدى اۋىلى قازىر كارانتينگە جابىلعان.