بۇل كۇندەرى «بارسەلونانىڭ» ساپىندا ويناپ جۇرگەن ايگىلى ارگەنتينالىق فۋتبولشى ليونەل مەسسي ءوزىنىڭ ءبىر سۇحباتىندا الدىڭعى بۋىن اعالارى جايىندا جىلى لەبىزىن بىلدىرگەن ەكەن.
كاتالونيالىق كلۋبتا ونەر كورسەتكەن العاشقى كەزدەرى تۋرالى بايانداي كەلە:
«2007 جىلى تەري انري «بارسەلوناعا» اۋىستى. ەكەۋمىز العاش رەت كيىم اۋستىراتىن بولمەدە جولىققانىمىزدا, ءبىراز ساسقالاقتاپ قالعانىم راس. تىپتەن, كوزىنە دە تىكە قاراي المادىم. وسىلايشا, وعان دەگەن ءوزىمنىڭ شەكسىز قۇرمەتىمدى بىلدىرگىم كەلەتىن. شىن مانىندە انري عالامات ويىنشى ەدى. جاسىل الاڭدا ول ءوزىن تىم ەركىن ءارى جەڭىل سەزىنەتىن. دوپتى سوعۋى دا وڭاي, ويىنداعى ينتريگانى ءولتىرۋ دە ەش قيىندىق تۋعىزبايتىن», - دەپ مەسسي اقتارىلا سويلەدى.
فرانتسيانىڭ ۇلتتىق قۇراماسىنىڭ جۇلدىزدى ويىنشىسى بولعان تەري انري 2007-2010 جىلدارى «بارسەلونانىڭ» جەيدەسىن كيدى. سول ارالىقتا 85 رەت جاسىل الاڭعا شىعىپ, 35 گول سوقتى. كاتالونيالىق كلۋبتىڭ ساپىندا ەكى رەت يسپانيا چەمپيونى, ەل كۋبوگى مەن سۋپەركۋبوگىنىڭ يەگەرى, چەمپيوندار ليگاسىنىڭ جەڭىمپازى, ۋەفا سۋپەركۋبوگىنىڭ يەگەرى جانە كلۋبتىڭ الەم چەمپيوناتىنىڭ جەڭىمپازى اتاندى.