سوڭعى مالىمەتتەر بويىنشا قىزىلوردا وبلىسىندا COVID-19 ينفەكتسياسىن جۇقتىرعان تاعى 9 ناۋقاستىڭ انىقتالعانى بەلگىلى بولدى. وڭىرلىك كوممۋنيكاتسيا قىزمەتىنىڭ حابارلاۋىنشا جاڭادان ۆيرۋس جۇقتىرعانداردىڭ بارلىعى شيەلى اۋدانىنان تىركەلىپ وتىر.
ناۋقاستاردىڭ ەڭ جاسى 8 جاسار قىز بولسا, ەڭ ۇلكەنى 1944 جىلعى ەر ادام. قازىر ناۋقاستاردىڭ جاعدايلارى قاناعاتتانارلىق.
بەكىتىلگەن الگوريتمگە سايكەس ولارمەن قارىم-قاتىناستا بولعان ادامدار انىقتالىپ, بارلىعى مەديتسينالىق باقىلاۋعا الىنۋدا.
وسىمەن ايماقتا COVID-19 كوروناۆيرۋستىق ينفەكتسياعا شالدىققان 85 ادام انىقتالدى. ونىڭ توعىزى قىزىلوردا قالاسىندا, 16-سى جاڭاقورعان, 4-ەۋى قارماقشى, جەتەۋى سىرداريا, ەكەۋى ارال اۋدانىندا تىركەلگەن.
اۋداندار اراسىندا اۋرۋ كوپ بايقالىپ وتىرعان وسى شيەلى اۋدانى. قازىر ونداعى دەرت جۇقتىرعاندار قاتارى 47 ادامعا جەتتى.